Lucas 10:25 - La'qaatqa ñi qota'olec Qota'olec & Qota'olec Novita Na Qomyipi

²⁵ Ca' so napaxaguinataxanaq quena nelaataxanaxaquipi nachajñi, quepegue' so Jesús, ỹahotaque quiyim retaxaỹa'pegue'. Ca' chi i'guen, inat, 'naaco': —Qami' napaxaguinataxanaq, ¿negue' ca shinta'co' quiyim sovira'a secoñiguit ca nca'laxa sqaica lqodoc?

Lucas 10:25 Iomraidhean Croise

Marcos 10:17

Ca co'na' so Jesús lotqai liỹa eec, ca 'uo' so novi' ỹale ne'guenta, ca ỹa'yi'iñi naua le'cootal quiyí'maq reloqota'ñi so'maxare. Ca renataxano': —Qami' ná'maq ỹaatqajam huagaxaraic napaxaguinataxanaq, ¿negue' cá'maq shinta'gue quet quiyim sovirau'a ca nca'laxa sqaica lqodoc?

Marcos 10:3

Ca' so Jesús 'naaco' quesaua'maxare: —¿Negue' cá'maq lelaataxanaxac so Moisés na'le caqamiri?

Marcos 12:28

Ca 'uo' so novi' quena rapaxaguinataxanta'pegue na naqataxaquipi 'qaataco' na'le queso qanoqollictetapigui. Ca ỹa'den quiyim so Jesús ỹaatqajam 'maxaraic da la'qaatec na' ỹopilaxachiguit da nenataxac. Ca so'maxare renataxano' na'le, 'naaco': —¿Negue' cá'maq paguec qoyiuejlec quená'ogue na nelaataxanaxaquipi?

Lucas 10:24

Ma' qamiri shiñiỹapegaxaua' quiyim 'xoic so letaxaỹaxaquiripi ñi qota'a chaqai so nashillipi ỹahotaque iuana dajo dá'maq qamiri huañiỹa, qam se iuanta; chaqai ỹahotaque quiyim 'xaỹa dajo nagui 'xaitapega, qam sqa 'xaita.

Lucas 10:26

Ca' so Jesús 'naaco': —¿Negue' ná'maq naneretañi quena naqataxaquipi chicqo'ot so Moisés? ¿Negue' ca 'ñiisa'co' quena' taqairelec?

Lucas 18:18

Ca' 'uo' so eec queso na'gaxalateripi. Ca' inat so Jesús, 'naaco': —Qami' huagaxaraic napaxaguinataxanaq, ¿negue' ca shine'tegue quiyim sovirau'a ca nca'laxa sqaica lqodoc?

Lucas 7:30

Qam ná'maq fariseoipi, chaqai ná'maq rapaxaguinataxanta'pegue na naqataxaquipi ná'maq se qanachilaxan queso Juan, se nqo'ta dá'maq sham ỹo'uet ñi qota'olec quesaua'maxare.

Juan 8:6

Ca 'naac dajo so qomyipi, ma' ỹahotaque quiyim i'guen so Jesús, qaiyi 'ue ca lligo quiyim 'naac 'ue ca lasauaxaset. Co'na'le, ca so Jesús nqai'guiñi, ca deraxan quena 'laua, ỹahote'e ana napoquena.

Gálatas 3:18

Ma' quetqai dá'maq lame ñi qota'a chicqochigui nqai'en da naqataxaquipi chicqo'ot so Moisés, ca' totqaida quet dá'maq qaỹachaxantac. Qam dá'maq 'neeta quiyim ñi qota'a ỹachaxantac dajo queso Abraham, qam qaca aca laseuete nqai'en.