Lucas 10:24 - La'qaatqa ñi qota'olec Qota'olec & Qota'olec Novita Na Qomyipi

²⁴ Ma' qamiri shiñiỹapegaxaua' quiyim 'xoic so letaxaỹaxaquiripi ñi qota'a chaqai so nashillipi ỹahotaque iuana dajo dá'maq qamiri huañiỹa, qam se iuanta; chaqai ỹahotaque quiyim 'xaỹa dajo nagui 'xaitapega, qam sqa 'xaita.

Lucas 10:24 Iomraidhean Croise

Mateo 13:16

Qam chalego la'maxa caqamiri, ma' huanaxañiỹalo naua nqochiri, chaqai 'xahi' naua rque'lahi lauaco.

Lucas 10:23

Ca ra'ỹauguilo saua lapaxaguinatqa, ca qaisauate' 'naapegalo: —Ỹaatqajam chalego la'maxa cá'maq iuanchigui ná'maq qamiri 'ajñitac.

Lucas 10:25

Ca' so napaxaguinataxanaq quena nelaataxanaxaquipi nachajñi, quepegue' so Jesús, ỹahotaque quiyim retaxaỹa'pegue'. Ca' chi i'guen, inat, 'naaco': —Qami' napaxaguinataxanaq, ¿negue' ca shinta'co' quiyim sovira'a secoñiguit ca nca'laxa sqaica lqodoc?

Juan 8:56

So Abraham só'maq chigoxoiỹaugui qamiri netoon na' ỹa'deentapega iuana ca ỹoviraxaqui. Ca na' iuana, ca ỹaatqajam no'xagui queda netoonaxac.

Hebreos 11:13

Sá'ogue so qomyipi nelliviñi, qam se icoñiguit ca qaỹachaxantapeguem quiñi qota'a. Qam 'ue da lpi'ỹaxac so qomyipi, ca iuana, qam qoỹoqo'ta, chaqai ma' mashic huelec, ca' chalego loyac nqai'en na' ỹa'ajantac. Ca chaqaida 'neeto' na'le so qomyipi co'quena' ỹa'xatetac quiyim se lalamaxaret la'a' najo 'laua.

Hebreos 11:39

Sá'ogue so qomyipi ỹaatqajam qaỹa'maxarenta quiñi qota'a, ma' 'ue da lpi'ỹaxac, qam se icoñiguit cá'maq ỹachaxantac ñi qota'a,