Lucas 10:21 - La'qaatqa ñi qota'olec Qota'olec & Qota'olec Novita Na Qomyipi

²¹ Ca' so Espíritu Santo ỹo'uet quiyim 'xoic da netoonaxac so Jesús, ca 'naaco': —Qami' ita'a, semaqachiñi', qami' la'gaxala' na neeto'ot na piguim chaqai na 'laua, ma' 'xochiriño' naua'que nauajo quena 'deenaxanqachaqaiquipi chaqai na 'xaỹaxanqachaqaiquipi, ca chaxañitem ná'maq 'ec ñaaqaipioqui'. Ajá'a, qami' ita'a, ma' chaqaida da vi'saque.

Lucas 10:21 Iomraidhean Croise

Salmos 24:1

Ñi qara'gaxala' lalamaxaret ná'ogue na 'laua, lalamaxaret ná'ogue ná'maq 'ue, chaqai ná'ogue ná'maq nca'leetauec hueetalec.

Salmos 8:2

Queda lemaqajnataxanaxa na ñaaqaipioqui' chaqai ná'maq ñaqai llipetac, ca no'xoñirishiguim ca re'guenaxagui'i', sauaxat na npa'guenaxaua'e'ipi, qaiyi nomachichiriñi na sqai huelec qami' chaqai ná'maq se reuojñi'.

Isaías 29:14

Vichiguiño' so'uet ma'le ca se qaiuanapega, ma'le, ca' i'laq nqaishin najo qomyipi. Ca da la'deenaxanaxa na 'deenaxanqachaqaiquipi chaqai da lco'ỹaxaric na co'ỹaxaraiquipi na'laañi.

Isaías 35:8

Chaqai yí hua'ñi ma'le ca ñicta, ca' qoỹanegue nayic 'xoic lichic. Ná'maq saqa' nco'chiñi da nachaalataxac, ca se ishit quegue ma'le; chaqai ná'maq qaica ca ỹa'den, se ishit quegue ma'le ca'maxare.

Isaías 53:11

Ma' ime'uegue dá'ogue dá'maq le'xoric, ca' iuana ma'le aca ncoỹeraxanaxaqui, ca ỹa'maqachigui lauel ma'le ma' ỹa'den. Só'maq qamaxaraic lelaatec ñi qara'gaxala' 'xoic ma'le na ỹosouec qomyipi, ma' i'xat na leualoxonqaishic.

Isaías 62:5

Ma' 'nejem ca ne'necoqui' quiyim shilliguit aca napiitaxaua, ca' chaqaida 'ne'tegue ñi qota'olec icoñiraxaua' quiyim qami' loua, liỹa no'xonshiguim aqami', ca' netoonta'pegue qami', 'nejem cá'maq chita'gue 'on netoonta'pegue aca loua.

Mateo 16:17

Ca' so Jesús 'naaco': —Qami' Shimoñi', qami' llaalec so Jonás, ỹaatqajam chalego da ra'maxa'e', ma' sqai qom ca ra'deenaxanaxañitegue dajo, qaiñiita ñi ita'a neeta'gue da piguim.

Mateo 21:16

Ca 'neraco' queso Jesús: —¿Ñaq na'xaỹaxañita dá'maq ỹa'xatetac ná'maq najo? Ca' so Jesús 'naaco' quesaua'maxare: —Ajá'a, sa'qaatapega. Qam ¿sqai taxailco' quen naua naneresañi la'qaatqa ñi qota'olec quiyim ỹa'xatesa'guit dajo? 'Neracsa': Ma' 'viichi'o' quiyim na ñaaqaipioqui' chaqai na ñaqai llipetac ỹaatqajam 'maxaraic da lemaqajnataxanaxac.

Mateo 3:7

Qam co'na' so Juan iuane'ta so 'xoic qomyipi chicqaugui na fariseoipi chaqai ná'maq chicqaugui na saduceoipi nanac ỹahotaque quiyim qanachilaxan, ca' so'maxare 'naaco': —¡Qamiri nanaic llaalqaipi! ¿Nega'ỹo' cá'maq ỹa'ue ra'xaỹaxaguii quiyim 'iichiỹa'piguit cá'maq chalego lecaic nouaxanaxaset na qom nepalata?

Marcos 10:15

Ỹaatqajam llic da shinac caqamiri, cá'maq sqai 'neetari' ca noctoqui' quiyim icoñiguit da lo'ueenataxanaxac ñi qota'olec ma' ỹoiquentac ná'ogue najo, ca' se inoxona'a.

Lucas 15:5

Ca noma' ỹanata, ca illaalec na lallaac, ca ỹaatqajam ỹa'maqachiguiñi.

Lucas 15:9

Ca' ma' ỹanata, ca lapoonta' na namigallipi chaqai na la'aayaxaua 'aallipi, ca 'naapega: “Netoonaxauahi aỹim, nagui mashic sanata ayí'maq ỹam chiróla na'laañi.”

Juan 11:41

Co'na'le, ca qanaqat so qa'. Ca' so Jesús ra'ishiguimo' quena piguim, ca 'naaco': —Qami' ita'a, saanot qami' da ña'aachic, ma' na'xaỹaxañita aỹim.

2 Corintios 4:3

Qam no'm se re'oq nqohin dá'maq sa'xatqatac na'qaatec chicqaugui da nca'laxa, dajo 'neeta, qam taỹalec ná'maq qomyipi tai'a quiyim palac nqohin.

Efesios 1:11

Quedá'maq quiyim ña'daqatau'a so Cristo, ñi qota'a shi'gue nca'au'alo qomi', qaiyi ñouanqau'a ma'le cá'maq ỹaanec ma'le ñi'maxare. Qam quedá'ogue dajo nachiñi'chiguit dá'maq ỹahotaque ñi qota'a, ma' ñi'maxare ñí'maq ỹo'ueetac ná'ogue nanchaqaina quená'maq ỹa'maxarenta.

Efesios 1:5

Quedá'maq lqouagaxa, ca shi'co' ỹaqatqajantari' iconoxoguit quiyim 'eco' qomi' lalamaxarete' llaalqa, chicqochigui nqai'en so Jesucristo, nachiñi'chiguit nqai'en dá'maq shi'gue ỹahotaque quiyim 'ne'tegue.