Lucas 10:17 - La'qaatqa ñi qota'olec Qota'olec & Qota'olec Novita Na Qomyipi

¹⁷ Ca' so setenta napaxaguinatqaipi co'na' novi' ỹaatqajam 'xoic da netoonaxac. Ca ra'qaataxantac, 'naaco': —Qami' qara'gaxala', vire'ta na ne'ec lecmaxaiquipi ỹaatqajam na'xaỹaxanalo qomi' quena' sodaqa'a da qadeenaxachi'.

Lucas 10:17 Iomraidhean Croise

Mateo 4:24

Ca ỹovira'gue da na'qaataxac so Jesús yá'ogue yi 'laua Siria. Ca qanoda'a so'maxare ná'maq 'ue na iuetetac ỹoreta'oguit na ralolaxa, ná'maq 'ue na le'ec lecmaxaic, chaqai ná'maq chita'gue lotqai ileueta, chaqai na se ra'ñiigue. Ca' so Jesús ná'ogue ỹomatec.

Marcos 16:17

Ca' quecá'maq hueeta'gue cá'maq huelec, ca' ỹo'uet ma'le na netanqaipi, 'neetasa': Da ỹeenaxat ro'ootaxana quena ne'ec lecmaxaic, chaqai ỹa'xate' naua ỹoqa'alo na'qaatqa,

Lucas 10:1

Ca co'na' ime dajo, ca' so qara'gaxala' nca'au'alo saua liỹa' setenta, ca ilate', qam dooseta'pe nqai'en, 'aueta'gue da taata'gue so'maxare quiyim queetagui ná'ogue na na'aateripi chaqai ná'maq hua'ñi quiyim que'tegue ma'le so'maxare.

Lucas 10:20

Qam se netooñigue quiyim na ne'ec lecmaxaic na'xaỹaxanalo qamiri, qaidaata quiyim yi qadeenaxachii naneretañi queda piguim.

Lucas 10:9

Ca machiuec ná'ogue na ralolaxaic quená'maq hueeta'anyi. Chaqai 'ñiỹapega quiyim: “Da lo'ueenataxanaxac ñi qota'a quiyim ỹoiquentac ná'ogue najo, mashic nepalata'alo qamiri.”

Lucas 9:1

So Jesús lapoonta' saua doce lapaxaguinatqaipi, ca ỹaanem da la'ñaxac chaqai da lquesaxanaxa quiyim ỹo'daauec ná'ogue nanchaqaina ne'ec lecmaxaiquipi, chaqai quiyim ỹomatec na ỹoreta'oguit nalolaxaseteripi.

Romanos 16:20

Ca ñí'maq qota'olec chicqo'ot da na'maxa qaỹaloq pataxañi so na'ỹaapec, illo'oto naua qapiaachiri. Chaqai so qara'gaxala' Jesucristo no'ueenaxat ca qayicyaxaguii.

Efesios 5:24

Qam chaqaida dá'maq 'neeta quiyim ná'maq mashic icoñiguit da na'qaatec se napacalec so Cristo, ca' 'nejem aca 'aalo se napaqueteguelec ca loua quená'ogue nanchaqaina.