Lucas 10:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Qam qamiri ma' ñiita'ñi yi na'a' Capernaum, ¿'ñiitapega quiyim qananojshiguim qamiri, qaroviraqchi'ot na piguim? 'E', qamiri qaropilaxachiñi ma'le, ca viriỹa'ña ca lapooqo' na lqui'i na leuaxaiquipi.

Lucas 10:15 Iomraidhean Croise

Génesis 11:4

Co'na' ime, ca 'neraco': —Ñaqai naiquena, ño'xonaxashiguim ca qara'a' lodegaxat chaqai aca qaraue ỹoviro'ot nqaishinaq na piguim, qaiyi qomi' choxoraqa ma'le, ca tot ñiuagaxataxalec ma'le ná'ogue na 'laua.

Isaías 5:14

'Ec ca toxonaxai ỹauatetagui na lap ma'le añi napal lahi', ỹahotaque ỹaqanañi ma'le na ỹalamaxareteripi liỹaata'ñi' na lashillipi, ná'maq qomyipi qaidaata da lishiquiaxac chaqai da leuallaxaviaxac.

Ezequiel 31:18

Ca' qaca aca qo'paq caná'maq naalec yi Edén nalo'guit aso'maxare queda loyac chaqai da ladogaxa; qam qai'neeta ta'anquira, liỹaata'ñi' ana liỹa qo'paq quiyi Edén quiyi noma' pa'aañi quena 'laua ỹalliguiguit na ỹoqa'a qomyipi, ná'maq qomyipi ileuaugui so lauataq. Ca' aso qo'paq chaqaiñi ñi nashi Faraón chaqai ná'ogue na lauo'. Ỹim na'gaxala', se'taxajñi da ỹa'qaatec. (32.1—33.20 So nashi quiyi Egipto qaraloqojnaxañigui queso isecỹac lodegaxat. Só'maq na'ñi yi Egipto ỹovira'a yi nelauqa'.)

Mateo 10:28

Ca se ro'chiỹa cá'maq ishit ỹalauat na noshicmaxa, qam se ishit ỹalauat yi pa'aauo chaalataxac. Ta'ta'a quiyim ro'chiỹa ñi qota'olec ñí'maq ishit ỹalauat na qaroshicmaxa chaqai so qara'al inaxañigui ca norec navicqatqa' na hualoxonyipi.

Mateo 11:23

Chaqai qami' na'a' Capernaum, ¿peeta'a 'ñiisapega quiyim qaiconot qami', ca vichiro'ot na piguim? Qam qarapilaxajñi qami' ma'le ca qaỹoviraqta'ña ca lapooqo' na leuaxaiquipi. Ma' quetqai queso na'a' Sodoma qaỹo'ueeto' na'le dá'maq se qaiuanapega qaỹo'uet caqamiri, sojo na'a' ñaqa 'ue quet nagui.

Mateo 4:13

Qam sqai na'ñi yi Nazaret. Ta'ta'a quiyim quepegue' yi Capernaum, ca' na'ñi yijo na'a' na'ñi na lahi aso latogot late'ogue', neeto'ot na lahi yi 'laua Zabulón chaqai yi Neftalí.

Lucas 13:28

Ca' quiyi hua'ñi, ca' nohiñitac chaqai quishquintecta' naua rovii quena qavillii, ma' daañiỹau'a ca Abraham, Isaac, Jacob, chaqai ná'ogue na letaxaỹaxaquiripi ñi qota'a, qoyinta'ñi ca lo'ueenataxanqa' ñi'maxare, qam qamiri, ca' qaro'yiỹauec.

Lucas 16:23

Ca co'na' so nesallaxanec ỹaatqajam 'xoic da le'xoric queca hueeta'ñi lapooqo' na lqui'i na leuaxaiquipi. Ca' quiyi, ca' ra'ishiguim, ca iuane'ta so Abraham ỹaatqajam qoỹoqoshi'ma, chaqai so Lázaro huaqate'e' so'maxare.

2 Pedro 2:4

Ma' ñi qota'a se ishit i'xoren só'maq lelaatqaipi piguim laseripi co'na' 'ue da lasauaxaset. Ta'ta'a quiyim inaxa'ña yi ncopatqo' na sauaqhuaiquipi, chaqai coñirañi queca napalaxa loma', ca' nauaanta'guit nqai'en ca na'xa'a quiyim qaimit ná'ogue najo.