Lucas 10:13 - La'qaatqa ñi qota'olec Qota'olec & Qota'olec Novita Na Qomyipi

¹³ ¡'Xoraiqolqa qamiri ñiita'ñi na na'a' Corazín! Chaqai ¡'xoraiqolqa qamiri ñiita'ñi na na'a' Betsaida! Ma' quet quiyim hua'ñi yi na'a' Tiro chaqai yi Sidón quiyim qaỹo'ueete' naua no'ueenataxanaxaco se qaiuanapegalo 'nejem dá'maq qaỹo'uet caqamiri, shi'gue quet quesom ỹalate' naua no'ueenataxaco chaqai nachaxaneta quiyim ỹañiñi naua nasouaxaqui' noho chaqai nemeetalta' quena lo.

Lucas 10:13 Iomraidhean Croise

Job 42:6

Ca vichiguiño' nagui, ca 'xoic da ñitogotaxa, ca ñqa'xantañigui na namoxoỹaxa chaqai na lo quena ỹayiloxo.

Isaías 61:3

ca' 'ue ca saanem na noỹentagui quiyi Sión: da lachicoxo ñigui nqaishin da netoonaxac, da oỹenaxac ñigui nqaishin da naỹaac, da lachitachic ñigui nqaishin da no'ueenaxanaxac. Na'maxare 'neetari' ana qo'paq lanecse ñi qara'gaxala' qota'olec, ma' ỹahotaque ỹachaxan da lquesaxanaxa.

Amós 1:9

Ca 'neetasa' da la'qaatec ñi qara'gaxala': Yi qomyipi quiyi na'a' Tiro ỹaatqajam 'xoic na ỹo'ueetetac se no'uen, ca' sqaica ma' se so'uet quet ca nouaxanaxaset; ma' ỹaanec quiyim noxonec queso lquesaxanaxa yi 'laua Edom sá'ogue so qomyipi só'maq na'deene'e' na'le quiyim 'neeta'gue ca lqaỹa.

1 Timoteo 4:2

Chaqai na'xaỹaxantapega na qomyipi sqa ỹaataxalec chaqai 'maatqaic, chaqai quedá'maq la'deenataxanaxac tot qaica ca nauataque, 'eco' mashic qaỹavigaxat queca lecat pa'e.

Apocalipsis 11:3

Ca' ỹim selate' ma'le saua dos ỹa'qaataxanqajanqa quiyim ỹa'xatesac aỹim quecaua mil doscientos sesenta na'xata', ỹansañi caua noho ná'maq ỹañiñi ca qom quena' 'ue ca lasauaxanec.