Lucas 10:11 - La'qaatqa ñi qota'olec Qota'olec & Qota'olec Novita Na Qomyipi

¹¹ “Vire'ta na lamoxoỹaxa quena ñiita'ñi inocaho quenaua qopiaate' ñochigoxosoxouec, qam dajo tai'a quiyim chi nasauaxachiỹalta'. Qam qamiri 'yiiñita quiyim da lo'ueenataxanaxac ñi qota'a nepalata'alo qamiri, ma' ỹoiquentac ná'ogue najo.”

Lucas 10:11 Iomraidhean Croise

Ezequiel 2:5

Ca no'm qana'xaỹaxana qami' loqo'm se qana'xaỹaxañiraxaua', ma' yi qomyipi npa'guenaxai, qam ỹa'den ma'le quiyim 'ue na itaxaỹaxaqui ỹalequetaugui yi'maxare.

Mateo 10:14

Chaqai no'm se qaicoñiguita chaqai se qana'xaỹaxanalo qamiri, ca' oquiỹa'e cajo na'a', loqo'm cajo na'aateripi. Ca ochigoxoiuec na namoxoỹaxa quenaua qapiaachiri.

Mateo 10:7

Ca 'xachitapeguem quiyim tot qoỹoxoguit da lo'ueenataxanaxac ñi qota'a neeta'gue da piguim quiyim ỹoiquentac ná'ogue najo.

Mateo 3:2

Ca' da la'qaatec 'neetasa': —Netogochiguilo nqai'ñii' naua qavilyii, ma' mashic tot qoỹoqaque da lo'ueenataxanaxac ñi qota'a neeta'gue da piguim quiyim ỹoiquentac ná'ogue najo.

Marcos 6:11

Chaqai no'm 'ue ca hua'ñi quiyim se qaicoñiguita chaqai se qana'xaỹaxanalo qamiri, ca' oquiỹa'e ca'maxare, qam ma'le, ca ochigoxoiuec na namoxoỹaxa inocaho quenaua qapelachiri, ca dajo netanec quiyim ca'maxare chi nasauaxatalta'. Qam ỹaatqajam llic da shinac quiyim ma' ỹovita ca pa'aatec na'xa'a ma' imit na nasauaxaseteripi ñi qota'olec, ca' paguec lecaic ma'le ca nouaxanaxaset queso na'ñi yi Sodoma chaqai yi Gomorra ná'maq na'aateripi se icoñiguita qamiri.

Lucas 10:10

Qam no'm viriu'a ca na'a', ca' qamiri se ỹacoñiguita, ca quiipegue' ca nayic, ca 'ñiỹac:

Lucas 10:9

Ca machiuec ná'ogue na ralolaxaic quená'maq hueeta'anyi. Chaqai 'ñiỹapega quiyim: “Da lo'ueenataxanaxac ñi qota'a quiyim ỹoiquentac ná'ogue najo, mashic nepalata'alo qamiri.”

Lucas 9:5

Qam ca hua'ñi quiyim se qaicoñiỹaxaguit, ca' oquiỹa'e ca na'a'. Ca chigoxohi na lamoxoỹaxa quenaua qapiaachiri. Ca' chi netanec quiyim chi nasauaxaseteguelta' so'maxare.

Hechos 13:26

Qamiri ỹaqaỹarolqa, llaalqaipi so Abraham, chaqai ná'ogue ná'maq no'cha'a ñi qota'olec: qomá'ogue taỹauguilo da na'qaatec chicqaugui da nca'laxa.

Hechos 13:40

Vichiguiño' qamiri rovichiỹari', qaiyi sqa taalec qamiri dá'maq qoỹeretañi na'qaatec queso 'auaxaic letaxaỹaxaquiripi ñi qota'a, co'na' 'nerac:

Hechos 13:46

Qam so Pablo chaqai so Bernabé se no'chirelec da letaxaỹaxague', ca 'neraco': —Qam 'eco' paguec la'maxa quiyim sa'auaxanaxe' qamiri quiyim sa'xataq da la'qaatec ñi qota'a ma' qamiri judío lase'; qam sqai coñiguit, chaqai sqa 'maxariñii quiyim viriỹau'a yi nca'laxa sqaica lqodoc, ca' nagui, ca qolaqpegue' na mesqai judioipi.

Hechos 13:51

Ca' saua'maxare ỹochigoxoi' naua lapelate' quena namoxoỹaxa. Ca' dajo 'neeta quiyim chi nasauaxatalta' so qomyipi. Ca' quiyi, ca' que', taategue da Iconio.

Romanos 10:21

Chaqai na' so Isaías taalec nqai'en na Israel laseripi da la'qaatec ñi qota'a, 'neetasa': “Ỹaatqajam yá'ogue yi na'xa'a soỹaxantapega quiyim rapilliua' na se na'xaỹaxan qomyipi ná'maq ỹim npa'guene'e'.”

Romanos 10:8

Ca' chaqaida dá'maq naneretañi la'qaatec ñi qota'a, 'neetasa': “Da na'qaatec sqoỹoqaque caqami' quena qadapi' chaqai cañi re'taxanata'e'.” Ca' dajo na'qaatec chaqaida dá'maq ỹa'xat quiyim qaipi'ỹa'a ñi qota'a dá'maq sa'xatqatac qomi'.

Hebreos 1:3

Ca' chaqaiso so lqai'legaxa dá'maq lauaq ñi qota'a, chaqai so'maxare chaqaiso só'maq 'nejem da no'ueenataxac ñi qota'a, chaqai so'maxare só'maq nolliitañi ná'ogue nanchaqaina queda lquesaxanaxa da la'qaatec. Ca co'na' ime co'taxate' qomi' quena qarasauaxaset, ca' nqa'xanñi quiyim nashi queda loic yi nqa'xanqa' ñi qota'a queda piguim.