Lucas 10:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca co'na' ime dajo, ca' so qara'gaxala' nca'au'alo saua liỹa' setenta, ca ilate', qam dooseta'pe nqai'en, 'aueta'gue da taata'gue so'maxare quiyim queetagui ná'ogue na na'aateripi chaqai ná'maq hua'ñi quiyim que'tegue ma'le so'maxare.

Lucas 10:1 Iomraidhean Croise

Ezequiel 8:11

Ca' setenta so qo'xoiquipi llaalqaipi so Israel nqouagaxaintacot so nashiilqaipi, ca' queso qomyipi ỹalequetaugui so llaalec so Safán, leenaxat Jaazanías. Sá'ogue quiñi 'óna lo'qoota'a na lichiinaxanaxat, ca' so'maxare chicqaugui so lecaugui lesalaxaripi so lichiinaxanaxat.

Lucas 1:17

Qam cajo Juan, ca'maxare 'aueta'gue ma'le ca taata'gue ñi qara'gaxala'. Qam ỹantañi ma'le da no'ueenataxac chaqai da la'ñaxac so qota'a la'qaataxanqajnec Elías, qaiyi ca neta'a huaguiguit ca llaalec qaiyi sqaicanqaida; chaqai ná'maq se na'xaỹaxan, ca' ỹa'den na'xaỹaxan. Chaqai ỹaqatqajantari' ma'le quena qomyipi, qaiyi leuoteta quiyim qaỹacoñiguit ca qara'gaxala'.

Lucas 1:76

Qam qami' ỹaalcolec, qaỹamata'gue ma'le quiyim qami' letaxaỹaxanqajnec ñí'maq qota'olec ma' sqaica nqai 'nejem da lquesaxanaxa, ma' qaỹaqatqajanta'gue qami' ma'le ca llic ñi qara'gaxala' qaiyi ỹa'maqatañi ca llicyaxac,

Lucas 7:13

Ca so Jesús co'na' iuana aso'maxare, ca' ỹaatqajam 'ue da le'xorenataxanaxa, ca' 'naapega, 'naaco': —Se ỹa'maxañi quiyim nohiñi'sac.

Lucas 7:19

Ime, ca' ilatalo so Jesús quiyim inate' quiyim chaqaiso' so ỹaatqajam nashi nca'laxaqui so'maxare, só'maq qanauaantaque, loqo'm ñaq qanauaanaque ca liỹa.

Lucas 9:52

Ca ỹa'auaxante' saua lelaatqa, ca saua'maxare querepegue' na hua'ñi na sqailligueme' na qom quiyi 'laua Samaria, qaiyi ỹa'maqatañi 'ue ca lanatqa'.