Lucas 1:79 - La'qaatqa ñi qota'olec Qota'olec & Qota'olec Novita Na Qomyipi

⁷⁹ qaiyi coỹarelec cá'maq hueetaugui na napalaxa chaqai ca hueeto'ot ca la'al da nelauaxa, chaqai quiyim ỹachaxanalo qomi' ca llicyaxac ca neuagaxa.

Lucas 1:79 Iomraidhean Croise

Salmos 107:10

Ỹaatqajam hueetaugui na napalaxa, ncoñiiteguesec, ncoñireta'guit da nachicoxo,

Salmos 107:14

naqata'alo quiyi chalego napalaxa, ca naqate' saua lequeete'.

Salmos 23:4

Ca 'eno'm shiquetauguilo nauá'maq paguec lapalqate' naua ca'meguelo, qam qaica quet cá'maq yo'chiitaque, ma' iỹaatac qami' ỹa'gaxala'; so nepoñi' chaqai ana rashillichi'i' ỹo'uet quiyim qaica ca youetaque.

Isaías 42:7

Sahotaque neuanñi nqai'ñi' na qai'laqaipi, quiyim naqachira'a na ncoñiitecseripi cañi ncoñiitaxanaxaqui qaỹapootau'a quiyi hua'ñi na napalaxa.

Isaías 49:6

'neetasa' da la'qaatec: Mesqai nodaachiguiñi quiyim qami' ilaatec quiyim qaidaata rapilaxachi' na llaalqaipi so llaalqaipi so Jacob chaqai quiyim rapilaxachi' na ca'laaxaiquipi quena'maxare; qai'neeta ỹim so'uet quiyim qami' lcoỹeraxanaxat ná'ogue na ỹoreta'oguit qomyipi, qaiyi 'xachisac da ica'laqataxanaxac quenaua paguec qoỹoqo'teguelo lahil na 'laua.

Isaías 49:9

ca' qohinac quena ncoñiitecseripi: Shi'gue qarosoiuec, chaqai qohinapega ná'maq hueetaugui na napalaxa: Nenoxoñiu'ga na re'qojlec. Quenaua'que naua lahil naua nayico 'ue na 'uaqapi, chaqai quecanchaqaica 'laua qaica qom 'ue na loq na qalohipi.

Isaías 59:8

Se iuana so nayic da no'daxa, se ỹalamchi naua lo'ueenataxanaxaco. Naua llicyaxaco queeta'guelo se ỹalamchi; ca ná'maq queeta'guelo saua'maxare, ca' se ỹanata da no'daxa.

Isaías 9:2

So qomyipi queetapougui na'le na napalaxa iuana so chalego lecaic lauaq; so chalego lauaq taalec só'maq queetapougui na napalaxa.

Jeremías 2:6

Mesqaica ma' huapigui quet lauel quiyim idaanaque aỹim quiyim ñaqata'a na'le quiyi Egipto. Ca' sashaxantac quiyi 'laua qaica qom, yi 'laua rashivijlec chaqai 'xoic ana tema, yi 'laua qaica na huaxaỹaq chaqai 'xoic lichic, yi 'laua qaica ca nelec, yí'maq qaica ca ishit quelec.

Mateo 4:16

Ná'maq qomyipi hueetapougui na napalaxa, iuana aso chalego lecaic 'eco' ncoỹeraxanaxaqui. Chaqai ná'maq hueeto'ot na la'al da nelauaxa, ca' qaicoỹarelec caso 'ec ncoỹeraxanaxaqui.

Lucas 2:32

Ma' chaqaina ná'maq ncoỹeraxanaxaqui ma' coỹarelec ná'maq sqai Israel laseripi, chaqai ỹo'uet da lichoxoric ná'maq Israel llaalqaipi ná'maq lalamqateripi.

Juan 1:9

Só'maq ỹaatqajam ncoỹeraxanaxat, só'maq coỹarelec ná'ogue na qomyipi, so'maxare naata'a na 'laua.

Juan 12:46

Ỹim ma' ỹim lcoỹeraqate na 'laua, qaiyi quená'maq huelec aỹim se no'ueenaugui na napalaxa.

Juan 8:12

So Jesús liỹo' retaqaugui na qomyipi, ca 'naaco': —Aỹim chaqaỹim ná'maq lcoỹeraqate na 'laua. Cá'maq coỹareta'pegue' aỹim, ca 'ue ma'le aca lcoỹeraxanaxaqui ỹo'uet da lca'laxa. Ca totqai hueetapougui ca napalaxa.

Juan 9:5

Quiyim ñaqa seuetalec na 'laua, ca' ỹim lcoỹeraxat na 'laua.

Hechos 10:36

Ñi qota'olec retaqaugui so llaxataxaipi so Israel, ỹa'xateta'guit da neuagaxa ỹachigoxochichigui so Jesucristo, ma' só ná'ogue na qom la'gaxala'.

Hechos 26:18

Ỹim selatalo qami' caua'maxare, qaiyi naviguerec nqai'ñi' naua nqote', qaiyi totqai queetapougui na napalaxa, qainaata na lauaq queetapougui, qaiyi totqai qoỹoiquentac queda lquesaxanaxa so na'ỹaapec, qaiyi quegue ñi qota'a, chaqai qaiyi huelec caỹim, ca qaỹapalaxate' naua lasauaxasete', ca lotqai qaỹalecqajno quiyi la'a' ná'maq ỹaatqajam lca'acseripi ñi qota'a.”

Romanos 3:17

chaqai se ỹa'den dá'maq llicyaxac da neuagaxa.

Efesios 5:8

Ma' quesom qamiri viitaugui na napalaxa, qam nagui ma' mashic na'yiitau'a so Cristo, ca viitaugui na lauaq. Ca na'maxachita 'ñiitari' ca qom hueetaugui na lauaq.