Lucas 1:77 - La'qaatqa ñi qota'olec Qota'olec & Qota'olec Novita Na Qomyipi

⁷⁷ ma' 'qaataxañitem ná'maq lalamqateripi quiyim qaỹapalaxat na lasauaxaseteripi, qaiyi ỹacoñiguit da nca'laxa.

Lucas 1:77 Iomraidhean Croise

Jeremías 31:34

Ca ma'le, ca' se ipaquetaque quecaua qomi' nauochaxaua' loqo'm neuo' lase' se napaxaguintecta' quiyim na'deenta', ma' ná'ogue ya'den ma'le, chicqochi'ñi ca paguec lodegaxat, vire'ta ca paguec cocho'qui'. Ca' ỹim sapalaxat ca se no'uen ỹo'ueetetac chaqai tot so'leentapega na lasauaxaset. Ỹim na'gaxala', se'taxajñi da ỹa'qaatec. (31.35-40 Da lqouagaxa ñi qota'olec quiyi Israel, chaqai da naata la'maxa ma'le yi'maxare.) (32.1—35.19 So Jeremías ỹa'ue yi rishiujnaxana 'laua na' so Nabucodonosor nahiquinchiguiñi yi Jerusalén. Ca' dajo chi letanec quiyim 'ue da naquitaxac ma'le quesaua naasaho na'xata' quedá'maq la'qaatec ñi qara'gaxala', na' ỹa'xateta'guit quiyim noxonec yi Jerusalén, qam ma' ncopa, ca' so qomyipi liỹa qarapilaxat.)

Lucas 3:3

Ime, ca' eec, queeta'gue ná'ogue ná'maq sqoỹoqaque caso lachiugue Jordán quiyim ra'qaataxantapeguem na qomyipi quiyim ỹalate' naua no'ueenataxaco, chaqai qanachilaxan, qaiyi qaỹapalaxate' naua lasauaxasete'.

Lucas 3:6

qaiyi ná'ogue na qomyipi iuana da nca'laxa ỹaanec ñi qota'olec.”

Juan 1:29

Ca' queso liỹa na'xa'a, ca' so Juan idaana'guit so Jesús naataxaso'ma so'maxare. Ca' so'maxare 'naaco': —Ñaqa 'ajñii, najo ná'maq ỹale ỹaanec ma'le ñi qota'olec, 'neeta'gue meca qagreta llaalec, ná'maq rouootaxana'gue ná'ogue na nasauaxaseteripi quena 'laua.

Juan 1:34

Ca' ỹim ma' mashic sauanchigui so'maxare, vichiguiño' sa'xatetac quiyim chaqaiso só'maq llaalec ñi qota'olec.

Hechos 10:43

Chaqai qai'neeta shi'gue sá'ogue so letaxaỹaxaquiripi ñi qota'a ỹa'xateta'guit so Jesús, quiyim 'naac ná'ogue ná'maq huelec so'maxare, ca' qaỹapalaxate' caua lasauaxasete', ỹachigoxochichigui da leenaxat.

Hechos 19:4

Ca' so Pablo 'naapegalo': —Ajá'a, qam so Juan lachilaxanataxanaxac chi letanec quecá'maq ỹacoñiguit da na'qaatec, ca ỹalate' naua se no'viiñi lanatqa. Qam qai'neeta 'naac quiyim qoyiuelec só'maq co'uaataxanta queso'maxare, leenaxat Jesús, ma' chaqaiso so nashi nca'laxaqui.

Hechos 2:38

Ca' so Pedro saat, ca 'naaco': —Qamiá'ogue 'xañiñi naua se no'ueene' no'ueenataxagohi, chaqai qanachilaxane' qamiri, qaỹouen da leenaxat so qara'gaxala' Jesucristo, qaiyi ñi qota'olec ỹapalaxate' naua rasauaxashichiri, ca' ỹaañiỹaxarom ca Espíritu Santo.

Hechos 3:19

Vichiguiño' nagui no'uen quiyim 'xañiñi naua no'ueenataxagohi, ca' nañaañiỹot ñi qota'olec, qaiyi ñi'maxare ỹapalaxate' naua rasauaxashichiri. Ca' ñi qara'gaxala' ishit quiyim nelatalo qamiri caua na'xata' quiyim ra'maxaichiguiñi,

Hechos 5:31

Qam ñi qota'olec ỹaueguegue da piguim, ca ỹana'gue da loic, chaqai ỹanagui quiyim nashi chaqai nca'laxaqui. Ma' ñi'maxare ỹahotaque ledaaqa' quiyim netacocha, ca ỹalate' naua lanatqa na Israel laseripi, qaiyi qaỹapalaxate' naua lasauaxasete'.

Romanos 3:25

Ñi qota'olec ỹo'uet chicqochigui nqai'en so Cristo queso lelauaxa, quiyim ishit qaỹapalaxat na nasauaxaseteripi, qam quiyim qoyiuelec so'maxare. Dajo 'ne'tegue, qaiyi re'oq quiyim ñi qota'a ipacqajanchigui dá'maq 'neeta'pegue, ma' mashic quedá'maq leualaxavic liyi le'ne' nqai'ne' sauá'maq 'auaxaqa nasauaxasete'.

Efesios 1:7

Quedá'maq chalego lecaic le'xorenataxanaxa, ca' ñi qota'a nca'laxaterec qomi', chicqochigui nqai'en da lelauaxa so llaalec, ca ỹapalaxate' caua qarasauaxasete'.