Lucas 1:75 - La'qaatqa ñi qota'olec Qota'olec & Qota'olec Novita Na Qomyipi

⁷⁵ chaqai qaiyi ỹa'maxarente' qomi' quiyim ñañaanqot ñi'maxare ma' qomi' co'teete' quenaua'que naua na'xata' queda qanachaalataxac.

Lucas 1:75 Iomraidhean Croise

Isaías 43:21

ná'maq ỹo'ueenatec ỹalamaxareteripi, qaiyi yimaqachin.

Mateo 1:21

Ca ma' ne'qaañi yi llaalec, ca ñitegue leenaxat Jesús. Leenaxato' ma'le dajo, ma' nca'laxatec ma'le na lalamaxaret lauo' quena lasauaxaset.

Lucas 1:74

quiyim nca'laxaterec qomi' quená'maq qarpa'guentac, qaiyi sqaica ca qaro'chiitaque ma' so'ueenaxanqatalec ñi'maxare,

Efesios 1:4

Ñi qota'a qomi'o' lca'acse' chicqochigui nqai'en so Cristo na' saqa' ỹo'uet na 'laua, qaiyi seuqato'ot ñi'maxare quiyim co'teeta da qanachaalataxac chaqai qaica ca qarasauaxaset.

Efesios 2:10

Ma' qomi' lo'ueenatqa ñi qota'a, chaqai ñaxata'alo nqai'ne' qomi' so Cristo Jesús, ma' ỹahotaque quiyim so'ueetaq cá'maq no'uen. Ma' ñi'maxare shi'co' ỹahotaque quiyim so'ueetaq.

Efesios 4:24

ca' ñiiñi dá'maq dalaxaic chaalataxac dá'maq ỹaatqajam chicqochigui da lo'ueenataxanaxac ñi qota'a, dá'maq ichoxot dá'maq ỹaatqajam 'maxaraic 'ueenataxac chaqai co'teeta.

Deuteronomio 6:2

Qaiyi ro'chiỹa ñi ra'gaxalari qota'olec, ca' pacqajñichiguilo quiyim ñaq rca'lliitauec naua'que naua laqataxaco chaqai naua lelaataxanaxaco selarelgoto qamiri, chaqai naua qachaalaxahi chaqai caua qauari, qaiyi ladoc aca rqauaxaguii.

1 Tesalonicenses 4:1

Ca nagui qamiri qarqaỹa', ñi'xoresenqa'toto chaqai saqataxalo qamiri, sahoqota'ahi da leenaxat so qara'gaxala' Jesús, quiyim quiijlec da leloxoỹaxac dá'maq sapaxaguinaxaque qamiri, qaiyi qaỹa'maxarente' qamiri quiñi qota'a, ca chaqaida dá'maq quiitalec, nqo'neetauec nqai'ñii.

1 Tesalonicenses 4:7

Ma' ñi qota'a roỹaxanalo qomi' quiyim co'teeta nqai'en da qanachaalataxac, vichiguiño' se ỹa'maxañi quiyim ñapio'xotaq da qanachaalataxac.

2 Tesalonicenses 2:13

Qam qomi' se neme quiyim saanqatecshiguim qana'aachic quiñi qota'a caqamiri, ma' qamiri qanauochaxaua' qarqaỹa' queso qara'gaxala'. Ma' ñi qota'a nca'au'alo qamiri na' ñaqa 'avichiguiñi, qaiyi rca'lliuec. Qam dajo nca'laxa chicqo'ot so Espíritu Santo só'maq 'em quiyim qamiri lalamqate' ñi qota'a, chaqai chicqochigui nqai'en dá'maq ỹaatqajam llic na'qaatec dá'maq viilec.

2 Timoteo 1:9

Ñi'maxare nca'laxaterec qomi' chaqai roỹaxanalo qomi' quiyim saanqot da qanachaalataxac. Qam mesqaida quiyim 'ue ca lo'yaxanec qaro'ueenataxanaxac, qam dajo chaqai 'ne'teguelo qomi' ñi'maxare, ma' ỹauoteguelo qomi', ma' mashic ña'daqatau'a so qara'gaxala' Cristo Jesús. Shi'co' qare'xoren ñi qota'a na' saqa'leca na 'laua.