Lucas 1:72 - La'qaatqa ñi qota'olec Qota'olec & Qota'olec Novita Na Qomyipi

⁷² chaqai ỹaatqajam 'uo' da le'xorenataxanaxa queso 'auaxaic qareta'allipi, chaqai se coua'e dá'maq na'maqataxac mashic ỹaanema saua'maxare.

Lucas 1:72 Iomraidhean Croise

Génesis 12:3

Ca' ỹim se'xoren cá'maq re'xoriñi', chaqai se se'xoren cá'maq se re'xoriñi'; chaqai chicqochigui qami' ma'le quiyim yqouaguegue ná'ogue na qomyipi quena 'laua.

Génesis 22:18

Chaqai ná'ogue na ỹoreta'oguit qomyipi hueetalec ana 'laua 'xoic ma'le ca la'maxa, chicqochigui nqaishin ma'le ca'maxare, ma' na'xaỹaxanchiriua'.

Génesis 26:4

Ca' ỹaatqajam 'xoic nqaishin ma'le ca qachaalaxai'pi 'ec ana huaqajñi quena piguim, ca' saanem ma'le ná'ogue najo 'laua. Chaqai ná'ogue na ỹoreta'oguit qomyipi quena 'laua 'ue ma'le ca la'maxa chicqochigui ma'le ca qachaalaxai'pi.

Génesis 28:14

Ca ca'maxare ỹovireta'a ma'le quiyim ỹaatqajam 'xoic, 'nejem na lamoxoỹaxa na 'laua, ca' neuagaxajlec ma'le da rapiguim chaqai da 'guiñi chaqai da lqodoigue chaqai da lauashiguim, chaqai ná'ogue na qomyipi quena 'laua chicqochigui da nqouagaxa qami' ma'le chaqai na qachaalaxai'pi.

Salmos 98:3

ỹaatqajam se coua'e da le'xorenataxanaxa chaqai da laqamaxa quena llaalqaipi so Israel. ¡Qaiuana quenaua'que naua lahil na 'laua quiyim rauegaxan ñi qota'olec coqomi'!

Ezequiel 16:60

Qam ỹim se sa'laxate ma'le da qana'deenaxac na' ñaqai qami' nequetegaxai, ca' so'uet ma'le caqami' ca qana'deenaxac, qam sqaica lqodoc.

Ezequiel 16:8

Ca lotqai liỹa shique'tot qami', ca' sa'ajñi'; ca mashic nalootañi pa'ii'. Ca' sepeguenlec qami' so ipo', ca' sapolec na roshicmaxa'e' neetauec na'le, ca' qami' ñapiitaxaua, 'ue na'le da qana'deenaxac caqami' quiyim qami' ỹalamaxarete. Ỹim na'gaxala', se'taxajñi da ỹa'qaatec.

Romanos 11:28

Ma' na judioipi se icoñiguit na'le da na'qaatec chicqaugui da nca'laxa, ca npa'guenaxaua nqohin ñi qota'a, qaiyi 'ue ca qayiguiuo qamiri; qam ñi qota'a ñaqai i'xorentac na'maxare, ma' lca'acsec só'maq 'auaxaic leta'allipi.

Romanos 9:4

Ma' na'maxare chaqai llaalqaipi so Israel, chaqai ñi qota'a icoñiguit 'neeta'gue meca llaalqaipi. Ñi'maxare ỹaatqajam ỹalequetaugui na'le na'maxare chalego loyac so lauaq, chaqai ỹaanema naua na'maqataxaco, na naqataxaquipi chicqo'ot so Moisés, chaqai da leloxoỹaxac quiyim qaimaqachin ñi'maxare, chaqai naua ỹachaxanta'pe quiyim ỹaanema.