Lucas 1:7 - La'qaatqa ñi qota'olec Qota'olec & Qota'olec Novita Na Qomyipi

⁷ Qam saua'maxare qaica ca llaalegue', ma' aso Elisabet se co'o, chaqai saua'maxare mashic ỹaatqajam qo'xoiqa.

Lucas 1:7 Iomraidhean Croise

Génesis 17:17

Ca' so Abraham nqai'guiñi, ỹoviraqta'guit na latap na 'laua. Ca' raỹaleguere co'na' ỹa'deene'ta: Ca ỹale ỹovite' caua cien ñaxari, ¿peeta'a ishito' quiyim neta'a? Chaqai añi Sara, ¿ishito' 'ue ca llaalec quiyim mashic ỹovite' noventa ñaxari?

Génesis 18:11

Qam so Abraham chaqai aso Sara mashic qo'xoiqam, ca aso Sara mashic qac da la'aaxa quena lqo'xo.

Génesis 25:21

Ca' so Isaac nqouagaxainot ñi qara'gaxala', rashiilaxanlec aso Rebeca, ma' aso'maxare qaica ca llaalec. Ca' ñi qara'gaxala' 'xaỹa so nqouagaxainaxac, ca' 'man nqai'en aso Rebeca.

Génesis 30:1

Ca co'na' aso Raquel iuana quiyim aso'maxare tot qaica ca llaalec queso Jacob, ca' 'ue da lpa'guenaxanaxa caso lopilete Lea. Ca 'naaco' queso loua: —Vite ca ỹaalqaipi, ma' no'me', ca yileu.

1 Reyes 1:1

So David ỹovira'a yí'maq ỹaatqajam lqo'xo queda nachaalataxac. Ca vichiguiño' quiyim 'eno'm 'xoic nqohin na qoỹañigui looỹac, qam qaiyiita se npa'eeuec na loshicmaxa.

2 Reyes 4:14

—Qam nagui ¿nega'ỹo' cá'maq so'ueetaq caso'maxare? —'Taque' —'naaco' so Giezi—. Ma' so'maxare qaica llaalec, chaqai ñí'maq loua mashic qo'xoỹom.

Lucas 1:5

Co'na' so Herodes ñaq nashi, reloqota'a yi 'laua Judea, ca 'uo' so ỹale leenaxat Zacarías só'maq letaxaỹaxanqajnec na qomyipi quena' qaretaxaỹa'pegue' ñi qota'a. So'maxare ỹalequetaugui na netaxaỹaxanqajanqaipi chicqota'guit so Abías. Chaqai aso loua Elisabet, aso'maxare qai'neeta chi laual so netaxaỹaxanqajnec leenaxat Aarón.

Lucas 1:6

Saua'maxare ỹaatqajam no'viiñi qomi', ỹa'maxarente' ñi qota'olec. Chaqai ỹaatqajam na'xaỹaxanteta dá'ogue da lelaataxanaxaquipi ñi qara'gaxala'. Ca vichiguiño' se qaishit 'ue ca qaipataxalec lasauaxasete' saua'maxare.

Lucas 1:8

Ca 'uo' so na'xa'a co'na' ỹovita so laloqo' quiyim inoxono ro'ueenataxan ná'maq ỹalequetaugui so Zacarías quiyim ỹo'uet na lo'ueenatqaipi ná'maq retaqata'pegue' ñi qota'olec.

Romanos 4:19

So Abraham se naqaguiñi da lpi'ỹaxac, 'eno'm mashic ipalata'pegueto caua cien ñaxari, chaqai ỹa'deenta quiyim so'maxare chaqai aso loua Sara tot qaỹaloq ileue', mashic qo'xoiqam quiyim 'ue quet ca llaalegue'.

Hebreos 11:11

Chaqai aso Sara qai'neeta chicqochigui da lpi'ỹaxac, 'eno'm qo'xoỹom. Qam qaỹa'ue da lquesaxanaxa, qaiyi 'ue ca llaalec. Ca 'uo' na'le ca llaalec, ma' huelco' na'le ñi qota'a quiyim ipacqajanchigui cá'maq ỹachaxantac.

1 Samuel 1:2

So Elcana dos saua loua'. So 'óna leenaxat Ana, chaqai aso liỹa Penina. Aso Penina 'vio' saua llaalqa, qam aso Ana, ca' qaica ca llaalec.