Lucas 1:6 - La'qaatqa ñi qota'olec Qota'olec & Qota'olec Novita Na Qomyipi

⁶ Saua'maxare ỹaatqajam no'viiñi qomi', ỹa'maxarente' ñi qota'olec. Chaqai ỹaatqajam na'xaỹaxanteta dá'ogue da lelaataxanaxaquipi ñi qara'gaxala'. Ca vichiguiño' se qaishit 'ue ca qaipataxalec lasauaxasete' saua'maxare.

Lucas 1:6 Iomraidhean Croise

Génesis 17:1

Ca co'na' so Abram ỹovite' saua noventa y nueve ñaxari, ca' ñi qara'gaxala' nachaxana so'maxare. Ca 'naaco': —Ỹim ná'maq qota'olec sqaica lqalanec; 'neeto' napio'xochi' da nachaalataxaqui' quiyim ñiiso'ot aỹim.

Génesis 6:9

Ca' dajo dá'maq na'qaataxac so Noé. So Noé ỹaatqajam huagaxaraic chaqai ỹaatqajam na'xaỹaxane'ta ñi qota'olec, sqai 'nejem na liỹa qomyipi. Ỹaatqajam chaqaisoota na'xaỹaxane'ta ñi qota'olec.

Génesis 7:1

Ca co'na' ime, ca ñi qara'gaxala' 'naaco' queso Noé: —Quená'ogue na qomyipi quená'maq hueetauguilo nauajo ñaxari ỹaatqajam qaqamite' 'viichi'sac dá'maq sahotaque. Ca vichiguiño' noxoñirougui añi rahichi' naỹoxontashiguim riỹa'isaho naua qachaalaxahi'.

2 Reyes 20:3

—Ỹim sashiila'e' qami' ỹa'gaxala', quiyim o'lliinchira'a quiyim ỹim qamaxaraic quena' so'uet cá'maq 'maxariñite'. Ca' ỹaatqajam noỹen.

Job 1:1

Quiyi 'laua leenaxat Uz 'uo' so ỹale leenaxat Job. So'maxare ỹaatqajam qaica ca se ỹa'maxañi queda no'ueenataxac, chaqai 'maxataxaraic, chaqai ỹaatqajam quejlec ñi qota'olec, chaqai netelañi quiyim ỹo'uet ca se ỹa'maxañi queca liỹa.

Job 1:8

Co'na'le, ca ñi qara'gaxala' 'naaco': —¿Mashic huañita ñi ilaatec Job? Qaica ca 'nejem ñi'maxare quena 'laua. Ñi'maxare ỹaatqajam quejlec aỹim, chaqai ỹaatqajam ỹaqamqata, chaqai ne'maxateta, qaica ma' ỹo'uet quet ca se no'uen.

Lucas 1:7

Qam saua'maxare qaica ca llaalegue', ma' aso Elisabet se co'o, chaqai saua'maxare mashic ỹaatqajam qo'xoiqa.

Lucas 16:15

Ca' so Jesús 'naapegalo': —Qamiri ma' nachaxañitac quiyim qamiri huagaxaraqa quena qom, qam ñi qota'olec ỹa'deene' naua re'taxanatahi. Ca' quecá'maq na qomyipi ỹaatqajam 'xoic lecaic nqai'en, ca' cajo ỹamaqa'gue ñi qota'olec.

Lucas 2:25

Ca' quesojo ñaaxa neeta'ñi yi Jerusalén so ỹale, leenaxat Simeón. So'maxare ỹaatqajam huagaxaraic, chaqai ỹa'maxate'tegue ñi qota'a, chaqai nauaantaque ca na'xa'a quiyim ime nqohin da le'xoric na Israel llaalqaipi. Qam so'maxare hueeto'ot so Espíritu Santo.

Hechos 2:25

Ma' so nashi David, co'na' ỹa'xat so Jesús, 'naaco': Aỹim ỹaatqajam seuantapega ñi qara'gaxala'; ñi'maxare neeta'gue da ỹoic, qaiyi qaica ca yi'loxolqachit.

Hechos 23:1

Ca' so Pablo co'na' idaanaugui so nashillipi, ca 'naaco': —Qamiri ỹaqaỹarolqa, ñaqai queeta quiyim qaica ca ño'uenegue ỹasauaxaset quiñi qota'olec, chi ỹovireta'a najo na'xa'a.

Hechos 24:16

Vichiguiño' yiuogoq quiyim qaica ca ñauataque ỹasauaxaset quiñi qota'olec chaqai quena qomyipi.

Hechos 8:21

Caqami' sqaica quet cá'maq 'neeta quiyim vichirau'a dajo no'ueenataxanaxac, ma' ñi re'taxanata'e' se nachiñiguit da lo'ueenataxanaxac ñi qota'olec.

Romanos 8:4

Ỹo'uet dajo ñi qota'a, qaiyi qomi' seshitaq so'ueetaq ná'maq 'naac na naqataxaquipi. Ma' totqai qolqata'pegue' dá'maq se no'uen lamaanaxanqachic na qaroshicmaxa, ta'ta'a quiyim qolqata'pegue' so Espíritu.

1 Corintios 11:2

Ñitoonta'guelo qamiri ỹaqaỹarolqa quena' 'lliinchitaque aỹim chaqai sqai 'xañiñi quiitalec da ỹapaxaguinataxanaxac saanema qamiri.

2 Corintios 1:12

Ca dá'maq ỹo'uet da qanetoonaxac 'neetasa': quiyim queda chi qano'ueenataxac sa'deenqata quiyim ña'maxatqata qolqatalec dá'maq ỹaatqajam leloxoỹaxac da na'qaatec na' ñaq salecqataugui ná'ogue na qomyipi quena 'laua, qam paguec na' salecqatauguilo qamiri. Ca' quedá'maq lqouagaxa ñi qota'a, ca qarotauantac quiyim shinqatari' dajo, qam dajo mesqai chicqaugui da chi qara'deenaxanaxa.

Filipenses 2:15

qaiyi qaica ca 'ue ca lasauaxaset chaqai ca 'ue ca lo'maxac caqamiri. Ta'ta'a quiyim ỹaatqajam qamiri llaalqa ñi qota'a, co'teete' qamiri quiyim lliguitaugui na qomyipi hualoxonyipi chaqai nocqaiquipi. Qam naviguerec qamiri, ca' coỹarilec na'maxare, 'ñiitari' aca huaqajñi naviguec quena' napalñi,

Colosenses 1:22

ỹachigoxochichigui da re'qoochigui lelauaxa so Cristo. Dajo 'ne'tegue, ma' ỹahotaque nachaalataxando qamiri, qam co'chiita quecá'maq hueete'e so'maxare, quiyim 'ec qaica ca ro'maxashichii chaqai ca rasauaxashichii.

1 Tesalonicenses 3:13

Ñi'maxare ỹotauanque qamiri quiyim ỹa'ñaxat ca ra'deenataxanaxaguii, qaiyi shichii quiyim nañaañiỹot chaqai sqaica ca rasauaxashichii hueeto'ot ñi qota'olec, ma' novi' so qara'gaxala' Jesús, liỹaatac ná'ogue na lalamqateripi.

2 Pedro 3:14

Vichiguiño' qamiri ñauochaxaua' ỹaqaỹa', quiyim ñaq nauaañita'guita cauajo, ca' ỹaatqajam reuogoxohi, qaiyi ma' novi' ñi qota'a, ca natenejlgoto qamiri quiyim 'ue da reuagaxahi, co'teete' naua re'taxanatahi, chaqai qaica ca rasauaxashichii.

1 Juan 2:29

Ma' mashic 'yiiñii quiyim so Jesucristo ỹo'uet ca ỹa'maqachiguiñi, chaqai qai'neeta 'yiiñii quiyim ná'ogue ná'maq ỹo'ueetetac na ỹa'maqachiguiñi ỹaatqajam llaalqaipi ñi qota'a.

1 Juan 2:3

No'm ña'xaỹaxanqa'ta na lelaataxanaxaquipi ñi qota'a, ca' sa'deenaq quiyim seuanaxa ñi'maxare.

1 Juan 3:7

Qamiri ỹaalqolqa, sqai 'xañiigue quiyim 'ue ca ỹayine' qamiri. Cá'maq ỹo'ueetetac ca ỹa'maqachiguiñi, ca huagaxaraic, ca 'nejem so Cristo huagaxaraic.