Lucas 1:53 - La'qaatqa ñi qota'olec Qota'olec & Qota'olec Novita Na Qomyipi

⁵³ Chaqai ná'maq 'xoic ca louenaxanaxa, ca ỹaanem quiyim qaica ca ỹouen nqai'en, qam na nesallaxanqaipi lotqai co'taxachichiguilo naua laua', ca' ilarec.

Lucas 1:53 Iomraidhean Croise

Salmos 146:7

Qoshiilec ná'maq se qaỹa'maxata'gue chaqai ỹa'ue ca loq na qopaaxaiquipi. Ñi qara'gaxala' souec nqai'en na ncoñiitecseripi;

Ezequiel 34:29

'Xoic nqaishin na la ca lanecsec, ca' tot ỹoviro'ot ca le'xoric quiyim qopat, chaqai na liỹa qomyipi tot i'neetac na'maxare.

Mateo 5:6

Ỹaatqajam chalego la'maxa ma'le quecá'maq 'ec 'ue na lqopaaxa chaqai na laquip quiyim ỹahotaque ỹo'uet ná'maq ỹahotaque ñi qota'olec, ma' ñi'maxare ỹotauanegue ma'le ca'maxare, qaiyi ishit ỹo'uet.

Lucas 1:54

Ca' ỹotauan na llaalqaipi so Israel só'maq lelaatqaipi, chaqai se coua'e da le'xorenataxanaxa queso'maxare.

Lucas 6:21

Chaqai qai'neeta ra'maxaichiguiñi qamiri ma' viitaugui nagui quiyim rqopachii, ma' ỹaatqajam 'ue ma'le ca rquemaraxahi. Chaqai qai'neeta ra'maxaichiguiñi qamiri ma' noỹeñitagui nagui, ma' ỹaatqajam 'ue ma'le ca raỹalliguiriguii.

Lucas 6:24

Qam 'xoraiquipiolec qamiri ma' qamiri nesallaxanqaipi, ma' mashic 'uo' da ra'maxahi.

Juan 6:35

Ca' so Jesús 'naaco': —Chaqaỹim ná'maq pan chicqaugui da nca'laxa. Cá'maq nacpegue' aỹim, ca se ỹauanapega quiyim qopat; chaqai cá'maq huelec aỹim, ca se ỹauana ỹalauat laquip.

1 Corintios 1:26

Qamiri ỹaqaỹarolqa, ñaq retañii quiyim roỹaxanalo qamiri ñi qota'olec, 'eno' chaqai qailligueme' ca ra'deenaxanaxahi quená'maq huelecna, chaqai sqaica ca nalou'a quiyim nashi, loqo'm chicqaugui na choxoraiquipi.

1 Corintios 4:8

Ca mashic 'eco' qamiri mashic nesallaxanqa, chaqai ná'ogue ná'maq viñitaque mashic viitaxauot. 'Ñiitari' qamiri nashillipi, ca' nauá'maq qomi' ca qarenaxaitec. Ca ¡no'uen quiyim ỹaatqajam qamiri nashil, qaiyi qamiri ñouanqau'a quiyim qomi' nashil qai'neeta!

1 Samuel 2:5

ná'maq 'au qaica na'le ca ỹouentaque, qam nagui ro'ueenataxanteguelec ca loq; qam ná'maq 'ue na'le na lqopaaxa, qam nagui, ca' qaica ca ỹouentaque. Chaqai aná'maq 'aalo qaica quen ca llaalec, qam siete co'o nqai'en; qam aná'maq 'xoic na'le na llaalqaipi, ca' nagui ỹaatqajam 'ec ỹaso nqai'en.