Lucas 1:50 - La'qaatqa ñi qota'olec Qota'olec & Qota'olec Novita Na Qomyipi

⁵⁰ Ñi'maxare chaqai 'neetari' 'ue da le'xorenataxanaxa quená'ogue ná'maq ỹaatqajam no'cha'a ñi'maxare.

Lucas 1:50 Iomraidhean Croise

Génesis 17:7

Dá'maq ña'maqataxac caqami' chaqai quecá'ogue ca qachaalaxai'pi ma'le quiyim chaqai 'neetari' ỹim qota'olec caqami' chaqai ỹim nqota'olec cá'maq qachaalaxai'pi.

Salmos 103:11

chalego lecaic dá'maq le'xorenataxanaxa quená'maq imaqachin ñi'maxare, da'maxare 'ec paguec lishicshi'megue quena piguim quena 'laua.

Salmos 118:4

'Naiquet ná'maq imaqachin ñi qara'gaxala': Da le'xorenataxanaxa ñi qara'gaxala' sqaica lqodoc.

Salmos 31:19

¡Chalego lecaic da rqouagaxa'e' quená'maq imaqachin qami'! 'Maxachisac da'maxare, 'ec nqai'ñi' ca nouenec 'xoic loyac, chaqai iuanchigui nqai'ñi' na qomyipi, ma' huagaxachirec quená'maq pi'ỹa'a qami'.

Éxodo 20:6

Qam ỹaatqajam se'xoren chaqai ỹaatqajam se neme da i'xorenataxanaxa quena llaalqaipi cá'maq yi'xoren chaqai ỹo'ueete' naua ilaataxanaxaco.

Lucas 1:49

Ma' ñi qota'olec sqaica ca lqalanec chaqai ỹaatqajam lodegaxat dá'maq ỹo'uet caỹim; chaqai dá'maq leenaxat ñi'maxare ỹaatqajam se neualaxait.

Apocalipsis 19:5

Ca' 'ue so sa'xaỹaque nivillaxac 'maqateguelec yi nashi nqa'xanqa', 'naacsa': Maqachiñii ñi qota'olec, qamiá'ogue qamiri ma' mashic 'ueenataxañitacot chaqai ná'maq huelec ñi'maxare, quená'maq collo'olqaipioqui' chaqai ná'maq mashic leta'allipi.