Lucas 1:49 - La'qaatqa ñi qota'olec Qota'olec & Qota'olec Novita Na Qomyipi

⁴⁹ Ma' ñi qota'olec sqaica ca lqalanec chaqai ỹaatqajam lodegaxat dá'maq ỹo'uet caỹim; chaqai dá'maq leenaxat ñi'maxare ỹaatqajam se neualaxait.

Lucas 1:49 Iomraidhean Croise

Génesis 17:1

Ca co'na' so Abram ỹovite' saua noventa y nueve ñaxari, ca' ñi qara'gaxala' nachaxana so'maxare. Ca 'naaco': —Ỹim ná'maq qota'olec sqaica lqalanec; 'neeto' napio'xochi' da nachaalataxaqui' quiyim ñiiso'ot aỹim.

Salmos 24:8

¿Negue' cá'maq nashi 'ue da lauaq? ¡Chaqaiñi ñi qara'gaxala' quesaxanaxaic chaqai 'ñaaxaic! ¡Chaqaiñi ñi qara'gaxala' 'ñaaxaic quena' nalauat!

Éxodo 15:11

Qami' qara'gaxala', ¡ỹaatqajam qaica ca liỹa nalo'guit aqami'! ¡Qaica ca co'teeta chaqai lodegaxat 'nejem qami'! ¡Ma' 'viichi' na ỹo'uet ca ne'laxa chaqai 'xoic lichic! ¡Ca' ta'chiguit quiyim qaimaqachin qami'!

Isaías 1:24

Vichiguiño' ñi qara'gaxala' qaica lqalanec, ñí'maq qaica ca qalanac quena Israel 'naacsa': ¡Liyi nalootañi! Ỹim seloqoguit na ñpa'guenaxauaripi. Sa'ue ỹovi' quena'maxare.

Isaías 6:3

Chaqai quena' retaxahi' 'neracsa': Co'teeta, co'teeta, co'teeta ñí'maq qara'gaxala' qaica ca lqalanec; ná'ogue na 'laua no'qajlec queda lauaq.

Jeremías 20:11

Qam qami' ỹa'gaxala', viisau'e na ỹahi, 'ñiisari' ca qaican ishit nalauataxai, ná'maq yocantegueñi huaañi ma'le, qam se ishit yaqajñi; se ipaguelec dá'maq 'neesa'pegue, ca' 'ue da layilqo' ma'le, se neme quiyim hueetapigui lauel quiyim na qomyipi se lauela.

Marcos 5:13

Ca' so Jesús ỹaanem da ỹahotaque. Ca' so ne'ec lecmaxaiquipi inoxonec queso qom, ca' taugui so 'uo' ca dos mil cooshipi. Ca so'maxare 'eet, ca ilamqañi caso latogot late'ogue', ca sá'ogue homac.

Lucas 1:48

Ma' ñi'maxare ỹaconta'o' aỹim qaica ca imaqachic la'a, ca' nagui, ca chicqochi'ñi quiyim ná'ogue na qomyipi ỹamata'gue aỹim quiyim ỹaatqajam ya'maqachiguiñi.

Lucas 1:50

Ñi'maxare chaqai 'neetari' 'ue da le'xorenataxanaxa quená'ogue ná'maq ỹaatqajam no'cha'a ñi'maxare.

Efesios 3:20

Ca' nagui, ca' semaqachinaq ñi qota'a ñí'maq 'ue da lquesaxanaxa quiyim ishit ỹapacqajnauec cá'maq ỹo'uet quecá'maq sashiilaxanqataque, loqo'm ca sa'deenqataque, chicqochigui nqai'en da lquesaxanaxa hueetauguilo qomi', ro'ueenataxantac.

Apocalipsis 15:4

¿Negue' queto' cá'maq se no'cha'a qami', qami' qara'gaxala'? ¿Negue' queto' cá'maq se imaqachin aqami'? Ma' chaqaqamite' qami' co'teeta, chaqai anac ná'ogue na ỹoreta'oguit qomyipi, ca' imaqachin aqami'. Ma' qaiuanchigui quiyim sqaica ca se ỹa'maxañi quená'ogue ná'maq 'viichi'.

Apocalipsis 4:8

Ca' sauajo cuatro ise' nca'leesauec da'ta'a seis laua' quiñi 'óna. Chaqai no'qaachiguilo quenaua nqote' quena pa'aauec chaqai quena pa'aauo. Chaqai quiyi na'xa'a chaqai yi pe sqai ỹaxañiñi quiyim 'nerac: Qami' maq ỹaatqajam co'chiite', qami' qara'gaxala' qota'olec maq sqaica ca qalañirac, qami' ná'maq chaqai'en 'ue qami', chaqai 'ue qami' nagui, chaqai naata'quena ma'le.

1 Samuel 2:2

¡Qaica ca co'teeta 'nejem qami' ỹa'gaxala'! ¡Qaica ca quepaqataxanlec ca qom, 'nejem qami', qami' qota'olec coqomi'! ¡Qaica ca liỹa, chi qaqamite'!