Lucas 1:48 - La'qaatqa ñi qota'olec Qota'olec & Qota'olec Novita Na Qomyipi

⁴⁸ Ma' ñi'maxare ỹaconta'o' aỹim qaica ca imaqachic la'a, ca' nagui, ca chicqochi'ñi quiyim ná'ogue na qomyipi ỹamata'gue aỹim quiyim ỹaatqajam ya'maqachiguiñi.

Lucas 1:48 Iomraidhean Croise

Génesis 30:13

Co'na'le, ca 'naaco' aso Lea: —Ỹaatqajam chalego ỹa'maxa. Ca' nagui na 'aallipi ỹamata'gue aỹim 'maxarai, vichiguiño' najo noctoqui' leenaxato' Aser, loqo'm na'maxa.

2 Samuel 7:8

Ca' vichiguiño' nagui 'ñirapega ñi ilaatec David quiyim ỹim, ỹim na'gaxala' qaica lqalanec, shinacsa': Ỹim ñaqata'a qami' na'le, sachigoxotau'a aso nelo qagretaipi, chaqai sollaapeguem qami' quiyim loqoisa'a aso'maxare, ma' sahotaque quiyim qami' la'gaxala' ná'maq ỹalamaxareteripi llaalqaipi so Israel.

Malaquías 3:12

Ná'ogue na ỹoreta'oguit qomyipi 'naac ma'le chalego ra'maxahi, ma' chalego lemaqachic ma'le na 'laua ñiitalec. Ỹim na'gaxala' sqaica lqalanec, shinac dajo. (3.13-18 Da lqouagaxa ñi qota'olec queso lalamaxareteripi.)

Lucas 1:28

Ca' so chicqashiguim nelaatec inoxono queso 'imec quiñí'maq neetaugui aso'maxare. Ca' iquin, 'ne'tegue: —¡Qami' mashic qami' nqouaguegue ñi qara'gaxala' qota'olec! Ñi'maxare qami' ima'guit. Ñi'maxare ỹaanem qami' da lqouagaxa, ca' sqaca nqai 'nejem aqami' caná'ogue ana liỹa 'aalo.

Lucas 1:42

Ca' aso'maxare ỹaatqajam nelamaxaren 'ne'teco': —Ñi qota'olec ỹaanem qami' da lqouagaxa, ca' sqai 'ñiite'm ná'ogue na liỹa 'aallipi. Chaqai ca qachaalqui' ỹaanem da lqouagaxa.

Lucas 1:45

Ca' ỹaatqajam ra'maqaichiriñi, ma' vi'relco' da qohinac, ma' ỹaatqajam ipaquichigui ma'le da 'naac ñi qara'gaxala'.

Lucas 1:49

Ma' ñi qota'olec sqaica ca lqalanec chaqai ỹaatqajam lodegaxat dá'maq ỹo'uet caỹim; chaqai dá'maq leenaxat ñi'maxare ỹaatqajam se neualaxait.

Lucas 11:27

Ca co'na' ñaq ỹa'xatetac dajo so Jesús, ca 'uo' aso 'aalo hueetaugui so qomyipi, ỹaualaq, 'naaco': —¡Ỹaatqajam chalego loyaco' acá'maq 'aalo quiyim co'ỹegue qami', chaqai iỹaxat qami'!

1 Samuel 1:11

Ca' ỹaanot da la'qaatec, 'naaco': —Qami' ỹa'gaxala', ma' qaica ca qalañirac: Ma' 'ajñisac da chalego le'xoric najo relaata'e', ca' o'lliinchira'a aỹim, ca 'viichi' ca ỹaalec. Ca ma'le, ca saanot qami' dá'ogue da nachaalataxac ca'maxare quiyim ro'ueenataxanot qami'. Ca dá'maq netanec ma'le ca'maxare quiyim saanot qami', ca' se qanepetec na lqahic laue.

1 Samuel 2:8

Ca' ñi qota'olec ne'laxashiguim nqai'en quena 'laua ca 'xoraic, chaqai ỹachigoxochichicñigui na lete loma' ca shiilaxanaxaic; ca' nqa'xanaxañigui na nashillipi, chaqai illa'ñi ca 'xoic lemaqachic noma'; ma' ñi qara'gaxala' ỹaatqajam looỹac na lomala' na 'laua, ime, ca' illaalec ná'ogue nanchaqaina.