Lucas 1:46 - La'qaatqa ñi qota'olec Qota'olec & Qota'olec Novita Na Qomyipi

⁴⁶ Ca' aso María 'naaco': Na iuel ỹaatqajam ỹo'ueentac ñi qara'gaxala',

Lucas 1:46 Iomraidhean Croise

Isaías 45:25

Ỹim chicqochigui ma'le quiyim ná'ogue na llaalqaipi so Israel rauegaxan ma'le, ca' nemaqajanlec aỹim ma'le. (46.1—48.22 Ñi qota'olec sqai 'nejem na lashiilqaipi yi Babilonia. Da 'neeta ma' noxonec yi Babilonia. Ñi qara'gaxala' 'naac quiyim ỹadalaxat ná'ogue. Ñi qara'gaxala' nca'laxatec so lalamaxareteripi.)

Isaías 61:10

Chalego da la'maxa iuel chaqai 'xoic da ñitoonaxac quiñi qara'gaxala' qota'olec, ma' ñi'maxare 'xoic da lotaanaxanaxac caỹim, ¡ỹaatqajam ỹa'ue da ỹoxonaxanaxac! Shinta ca sham shilo quena' no'ueet ỹanñi aca no'uen nado'o, chaqai aca 'aalo sham shilo ỹañiñi naua no'ueetqate'.

Romanos 5:11

Qam mesqaidaata dajo, ma' qai'neeta 'ue da qanetoonaxac quiñi qota'a chicqochigui so qara'gaxala' Jesucristo. Ma' so'maxare chicqochigui quiyim huaqui'chiguita qomi' nagui ñi qota'olec.

1 Corintios 1:31

Ca “no'm 'ue ca shim napacqachin, hua' qam no'uen quiyim ỹapacqachin so qara'gaxala'.” Ma' 'eda da 'nerac naua nerecse' la'qaatqa ñi qota'a.

2 Corintios 2:14

Qam qomi' saanqot da qana'aachic ñi qota'a ñí'maq chicqochigui nqai'en so Cristo Jesús quiyim qomi' 'ue da qarquesaxanaxa, chaqai ỹachigoxochichiguilo qomi' quiyim qaỹa'den da na'qaatec queso'maxare. Qam da'maxare 'ec nqai'en ca lo'daxaraic lahita quiyim ỹaỹoxonec, ca' quelec na 'laua.

Filipenses 3:3

Ma' ná'maq ỹaatqajam llic qaỹa'ue na netanec na loshicmaxa, ca chaqainaua nauá'maq qomi', ma' chicqochigui so Espíritu Santo quiyim ñqouagaxainqatacot ñi qota'a, chaqai ñitoonqata'gue quiyim qomi' lalamaxarete' so Cristo Jesús. Chaqai se spi'ỹaaqatapega na re'qoochigui qanetanec.

Filipenses 4:4

Naua'que naua na'xata' netooñita'gue so qara'gaxala'. Liỹa sopilalec shinac: ¡netooñitac!

1 Tesalonicenses 5:23

Ca' ñi qota'a, ñí'maq chicqo'ot da na'maxa, chaqaiñi ñí'maq co'taxate' qamiri, chaqai ỹa'maxajñi dá'ogue da no'ueenataxaguii, qaiyi qaica ca rasauaxashichii nqai'en, chi ỹovireta'a ca loviraxac so qara'gaxala' Jesucristo.

1 Pedro 1:8

Ma' qamiri 'xoriñii so Jesucristo, 'eno'm sqai huañiỹa; chaqai quiyim viilec so'maxare nagui quiyim sqai huañiỹa, ca' ỹaatqajam chalego da netoonaxaguii chaqai da lemaqachic, ca da'maxare se ishit qaichoxochichigui,