Lucas 1:43 - La'qaatqa ñi qota'olec Qota'olec & Qota'olec Novita Na Qomyipi

⁴³ ¿Negue' queto' aỹim quiyim aỹim nouoỹa adá'maq late'e ñi qara'gaxala'?

Lucas 1:43 Iomraidhean Croise

Salmos 110:1

Ñi qara'gaxala' qota'olec 'naac caqami' ỹa'gaxala': Nqa'xañiriñi queda ỹoic, toco' ma' ỹovita quiyim sillo'oto naua qapiaachichi' na npa'guenaxaua'e'ipi.

Mateo 12:46

Co'na' so Jesús ñaq retaqatapougui so qomyipi co'na' novirero aso late'e chaqai saua lqaỹa'. Pa'aasauec, ỹahosaque retaxaira'pegue' so'maxare.

Mateo 3:14

Qam na' ñaqai 'aueta, se ỹa'maxaren quiyim nachilaxan. Ca 'naaco' queso Jesús: —Aỹim souen quiyim qami' yachilaxañi', qam ¿qami' naquirepegue' aỹim?

Lucas 1:42

Ca' aso'maxare ỹaatqajam nelamaxaren 'ne'teco': —Ñi qota'olec ỹaanem qami' da lqouagaxa, ca' sqai 'ñiite'm ná'ogue na liỹa 'aallipi. Chaqai ca qachaalqui' ỹaanem da lqouagaxa.

Lucas 1:44

Ma' cana' sa'xaỹaque da riquinaxanaxaqui', ca' idaxanac da netoonaxac yi noctoqui' mashic hueetaugui na iuel.

Lucas 2:11

Da'maxare 'neetayi: nagui ne'qaañi quiyi na'a' ne'xaỹoqsoqo' so David cá'maq qaỹahotaque quiyim rca'laxaguii, leenaxat Cristo, ca' cá cá'maq qara'gaxala'.

Lucas 7:7

Ma' aỹim se ra'ñiigui na iuel quiyim yipaca'a quiyim se'guena'a qami'. Vichiguiño' no'uen quiyim chaqaicaata ca ra'qaachiqui' 'ỹaañirec, ca' ñi ilaatec chaqa'ma' imeuec.

Juan 13:13

Qamiri machiỹa'gue aỹim napaxaguinataxanaq chaqai na'gaxala'. Ca da'maxare qaica ỹoqolliguit, ma' llic.

Juan 20:28

Ca' so Tomás 'naaco': —¡Qami' ỹa'gaxala', chaqai qami' qota'olec!

Filipenses 2:3

Chaqai mesqai 'ue ca naquichitaque quiyim 'ue ca 'viichii chaqai quiyim nemaqajñii. Ta'ta'a ca ne'xoresenaxaguii, chaqai quiñi 'óna paguec gueme nqai'en ca liỹa queca'maxare.

Filipenses 3:8

Qam mesqaidaata dajo, ma' ná'ogue ná'maq hueeto'ot quet aỹim qaica quet cá'maq 'negue nqaishin, ma' se nalo'guit nqaishin dá'maq 'neeta quiyim seuana so Cristo Jesús só'maq ỹa'gaxala'. Ma' chaqaiso só'maq Cristo só'maq 'em quiyim ná'ogue ña'laxatañi, chaqai ná'ogue 'neetari' nqaishin ca lete, ma' sahotaque ỹaueguec so Cristo,

Rut 2:10

Ca' aso Rut ỹa'chi'iñi naua le'cootal, ỹoviraxata'guit na latap na 'laua. Ca inato' so Booz: —¿Chi'neco' ma' ỹaatqajam lamaxachichirigui aỹim quiyim yi'xoriñi' quiyim ỹoqa'a ca sachicqa'gue?

1 Samuel 25:41

Ca' aso Abigail ỹa'chi'iñi naua le'cootal, ỹoviraxata'guit na latap na 'laua. Ca 'naaco': —Aỹim chaqaỹim lelaata ca David, qaica ca shinac quiyim squiỹo' naua lichil na lelaatqaipi quiyim chaqaica cá'maq David cá'maq 'naapiguiỹa'.