Lucas 1:42 - La'qaatqa ñi qota'olec Qota'olec & Qota'olec Novita Na Qomyipi

⁴² Ca' aso'maxare ỹaatqajam nelamaxaren 'ne'teco': —Ñi qota'olec ỹaanem qami' da lqouagaxa, ca' sqai 'ñiite'm ná'ogue na liỹa 'aallipi. Chaqai ca qachaalqui' ỹaanem da lqouagaxa.

Lucas 1:42 Iomraidhean Croise

Génesis 22:18

Chaqai ná'ogue na ỹoreta'oguit qomyipi hueetalec ana 'laua 'xoic ma'le ca la'maxa, chicqochigui nqaishin ma'le ca'maxare, ma' na'xaỹaxanchiriua'.

Salmos 45:2

¡Qami' ná'maq paguec lo'yaxanec quena ỹalliripi! ¡Da qouagaxa hueetauguilo naua ra'qaataxahi'! Vichiguiño' ñi qota'olec qaica lqodoc quiyim no'ueenaxat qami'.

Lucas 1:28

Ca' so chicqashiguim nelaatec inoxono queso 'imec quiñí'maq neetaugui aso'maxare. Ca' iquin, 'ne'tegue: —¡Qami' mashic qami' nqouaguegue ñi qara'gaxala' qota'olec! Ñi'maxare qami' ima'guit. Ñi'maxare ỹaanem qami' da lqouagaxa, ca' sqaca nqai 'nejem aqami' caná'ogue ana liỹa 'aalo.

Lucas 1:41

Ca' aso Elisabet co'na' 'xaỹaque da niquinaxanaxac, ca' so noctoqui' mashic hueetagui na lauel redaalec, ca' aso'maxare ỹaatqajam no'qaachigui queso Espíritu Santo.

Lucas 1:43

¿Negue' queto' aỹim quiyim aỹim nouoỹa adá'maq late'e ñi qara'gaxala'?

Lucas 1:48

Ma' ñi'maxare ỹaconta'o' aỹim qaica ca imaqachic la'a, ca' nagui, ca chicqochi'ñi quiyim ná'ogue na qomyipi ỹamata'gue aỹim quiyim ỹaatqajam ya'maqachiguiñi.

Lucas 19:38

Ca' qohinac: —¡Ỹaatqajam no'uen da llicyaxac na qarashi, ma' naquetaugui da leenaxat ñi qara'gaxala'! ¡'Uo' ma'le ca na'maxa quena piguim chaqai quedá'maq lecaic ñi qota'olec!

Romanos 9:5

Na'maxare chaqai llaalqaipi so 'auaxaic qareta'allipi, chaqai da re'qoochigui no'ueenataxac na'maxare chicqotougui so Cristo. Ca' qoỹanagui so'maxare quiyim qota'olec quená'ogue, ca qaiyi se neme quiyim qaimaqachintac. Ajá'a, ca chaqaida 'neeta dajo.

Hebreos 12:2

Ỹaatqajam ya'ỹoqotagui so Jesús só'maq chicqo'ot da qarpi'ỹaxac chaqai nachinñi nqai'en. So Jesús ỹaatqajam na'ñaxachiguit da qohine'tegue na' qaipateno, chaqai se na'xaỹaxana dá'maq 'neeta quiyim nayiloxo lahi' dá'maq 'nejem dajo nelauaxa. Ma' ỹa'deenta quiyim ma' ime'uegue da le'xoric, ca 'ue ca netoonaxac chaqai ỹa'maqachiguiñi. Chaqai nqa'xanñi queda loic quiyi nqa'xanqa' ñi qota'a.