Lucas 1:35 - La'qaatqa ñi qota'olec Qota'olec & Qota'olec Novita Na Qomyipi

³⁵ Ca' so nelaatec 'naaco': —Ca Espíritu Santo ta'ñigui qami' ma'le, ca' da la'ñaxac ñi qota'olec ma' lodegaxat ỹapolec qami', 'nejem ca naueguelec. Ca vichiguiño' cajo noctoqui' ma' ne'qaañi, ca'maxare ỹaatqajam qoỹaanot quiyim hueeto'ot ñi qota'olec. Ca' qaỹamata'gue llaalec ñi'maxare.

Lucas 1:35 Iomraidhean Croise

Job 14:4

Qaica quet cá'maq ishit ñigui co'teeta nqai'en ca napio'o.

Salmos 2:7

Ỹim sa'xat dá'maq ỹahotaque ñi qota'olec: ñi'maxare 'naac caỹim: Qami' ná'maq qami' ỹaalec; nagui, ca' ỹim qataa'i'.

Salmos 51:5

Ca' lliqueta quiyim chi ñi'qaañi chaqa'ma' ỹim nocqaic; shi'gue ỹim sauaqhuaic na' ñaqai seuetaho.

Mateo 1:18

Da 'neeta da ne'xaỹoqsoxoc so Jesucristo 'neetasa': Aso late'e María co'na' mashic letaxaỹaxaua so José quiyim loua. Chaqai na' saqa' noua', qa' aso'maxare 'man, chicqochigui da lquesaxanaxa so Espíritu Santo.

Mateo 1:20

Ca co'na' ra'deenataxantac quecá'maq 'neeta'gue dajo, ca' re'guemacho' so lelaatec ñi qara'gaxala' piguim le'ec. Ca' qohinapego': —José, ma' qami' chicqoiraugui so nashi David, se ro'chi'i' quiyim coñita añi María quiyim roua'e'. Ma' yí'maq ne'qaañi ma'le llaalec añi'maxare chicqo'ot so Espíritu Santo.

Mateo 14:33

Co'na'le, ca sauá'maq neesañigui aso'maxare, ca ỹa'dooto naua le'cootal so Jesús. Ca 'neraco': —Ỹaatqajam lliqueta quiyim qami' llaalec ñi qota'olec.

Mateo 27:54

Ca co'na' so lashi so nouaataxanaq chaqai sauá'maq liỹa' reloqosa'a so Jesús, co'na' iuanchigui i'loxol na 'laua chaqai ná'maq liỹa 'uo' na'le, ca 'xoico' da lqolonqa'. Ca 'neraco': —Ỹaatqajam llic ñijo ỹale ỹaatqajam llaalec ñi qota'olec.

Mateo 4:3

Ca' so na'ỹaapec quepegue' so Jesús, ma' ỹahotaque i'guen. Ca 'naaco': —No'm ỹaatqajam qami' llaalec ñi qota'a, ca' ñiguilo nqai'ñi' paañi' nauajo qari.

Marcos 1:1

'Eda 'neeto' na'le co'na' ñaqai chita'gue taañi da na'qaatec qaỹa'xatetac so Jesucristo só'maq llaalec ñi qota'olec.

Marcos 1:24

—¿Chi'negue ma' nishichirau'alo qomi', qami' Jesús, le'ec yi Nazaret? ¿Novichi' quenajo ma' viisaque quiyim huagaxachira'pe qomi'? Ỹim sa'den qami' quiyim qami' lalamaxaret ñi qota'olec.

Lucas 1:27

quiyim quepegue' nqai'en aso 'aalo ñaq nequetegaxai leenaxat María. Aso'maxare mashic ỹahotaque o'ñiguit so ỹale leenaxat José. So'maxare chi laual so nashi David.

Lucas 1:34

Ca' aso María inato' so lelaatec ñi qota'olec, queca 'neeta: —¿Negue' ca 'neeta ma'le dajo? Ma' aỹim saqa' seuanapega ca ỹale.

Lucas 1:36

Chaqai añi qauochi' lase Elisabet, añi'maxare 'uo' ma'le ca llaalec, 'eno' mashic qo'xoi. Añí'maq qohinac quen qaica ca llaalec, ca' nagui mashic ỹovite' naua seis shiriguiri quiyim 'manaxai.

Juan 1:34

Ca' ỹim ma' mashic sauanchigui so'maxare, vichiguiño' sa'xatetac quiyim chaqaiso só'maq llaalec ñi qota'olec.

Juan 1:49

Ca' so Natanael 'naaco': —Qami' napaxaguinataxanaq, chaqaqami' ná'maq llaalec ñi qota'olec, chaqai qami' lashi na Israel.

Juan 20:31

Qam nauajo qohichiñi, ma' qaỹahotaque quiyim qamiri viilec so Jesús quiyim chaqaiso só'maq nashi nca'laxaqui, llaalec ñi qota'a, chaqai qaiyi 'ue ca rca'laxahi quiyim viilec so'maxare.

Hechos 8:36

Ca co'na' ỹovijta yí'maq hua'ñi 'ue na huaxaỹaq, ca' so nelaatec 'naaco': —Quenajo 'ue na huaxaỹaq, ¿tegue' chi ỹa'maxaño' quiyim qayachilaxan?

Romanos 1:4

Qam chicqochigui so Espíritu Santo co'na' ỹa'xat quiyim so'maxare llaalec ñi qota'a chaqai ỹaatqajam 'ue da lquesaxanaxa co'na' nca'le'guesop so nelauaxa.

Gálatas 2:20

Ma' ỹim 'eco' shi'gue yileu, iỹaatashiguim so Cristo na' qaipateno. Vichiguiño' ca mese ỹalamaxaret nagui dá'maq santañi ñachaalataxac, ca' chaqaiñi ñí'maq Cristo ñí'maq nachaatetaugui aỹim. Ca dá'maq ñachaalataxac nagui chicqochigui da ipi'ỹaxac queso llaalec ñi qota'a, ma' yi'xoren, ca nañaañiguit da lelauaxa caỹim.

Efesios 2:3

Chaqai qomi' qai'neeta shinqatari' quen quesaua 'auaxaqa ñaxari, qolqata'pegue' dá'maq chi qaramaanaxanqachic, so'ueetqatac dá'maq chi lqo'itaxanqachic na qaroshicmaxa chaqai quedá'maq chi qara'deenataxanaxac. Ca' quedajo, ca' ỹaatqajam 'chichiguiñi quet ca chalego lecaic qanouaxanaxaset quiñi qota'a, shinqata ná'ogue na liỹa qomyipi.

Hebreos 4:15

Ma' só'maq qaretaxaỹaxanqajnec, so'maxare ishit i'xorene' qomi', ma' qaica ca qarquesaxanaxa. Ma' so'maxare qai'neeta 'xoico' na'le da le'xoric, ma' 'xoic da ne'guenaxaquipi ỹoreta'oguit, 'nejme' qomi', qam so'maxare qaica ca lasauaxaset.