Lucas 1:3 - La'qaatqa ñi qota'olec Qota'olec & Qota'olec Novita Na Qomyipi

³ Chaqai aỹim liỹa ỹaatqajam somatetac ñapaxaguintapega dá'ogue sa'maxate'tegue quecá'maq chicqochi'ñi. Ca vichiguiño', caỹim ỹa'maqachiguiñi nqaishin quiyim shiriñi dá'ogue da 'neeta, ca' selata qami' ñauochaxaua ỹaqaỹa Teófilo,

Lucas 1:3 Iomraidhean Croise

Salmos 40:5

Qami' ỹa'gaxala' chaqai qota'olec caỹim, 'xoic ná'maq imaqachin qami' quena ro'ueenachiqui' chaqai quiyim 'yiiñisapegalo qomi'. ¡Qaica ca 'nejem qami'! Sahotaque quiyim sa'xat da'maxare, qam ỹapaquerauec quecá'maq sa'xat quet.

Salmos 50:21

Ca ná'ogue najo 'viichi'sac, qam ỹim yi'maqata, 'neetapigui qavilli' quiyim shintam aqami'. Qam nagui seloxoiqata'ta', ca soviraxachiraxaua', ca' ¡nagui sa'maxajta' naua rasauaxashichichi'!

Proverbios 22:21

ma' sahotaque sapaxaguiñitegue dá'maq lliqueta, qaiyi 'maxaraic ca ra'qaachiqui' quiyim 'ue ca renachi'.

Eclesiastés 12:9

Ca na' ỹovita quiyim paguec na la'deenec so netaxaỹaq, ca paguec da la'deenec nqai'en na qom. Chaqai qai'neeta quelec quiyim napaxaguina na 'xoic llicyaxac na na'qaatec chaqai nca'ata', ca ỹa'maxachichiguiñi.

Lucas 1:1

Mashic 'xoico' so qom ỹahotaque quiyim ỹiriñi dá'ogue dá'maq 'neeta da no'ueenataxanaxac quena' hueetauguilo qomi'.

Hechos 1:1

Qami' ñauochaxaua ỹaqaỹa Teófilo. Aso 'auñi ñilere ỹerecse hueetaugui ná'ogue na lo'ueenataxanaxac so Jesús chaqai na lapaxaguinataxanaxac co'na' ñaqai chita'gue taañi ro'ueenataxan,

Hechos 11:4

Ca' so Pedro ra'qaataxan, ỹachigoxochichi'ñi ỹa'xat dá'ogue dá'maq 'neeto' ca no'ueenataxanaxac. Ca 'naaco':

Hechos 15:19

Vichiguiño' ỹim shinac se ỹa'maxañi quiyim sqai saxanqac na mesqai judío chaqai quiyim mashic ỹaxañiñi naua 'auaxaqa lpi'ỹaxaco, ma' mashic quelec ñi qota'a.

Hechos 15:25

Vichiguiño' 'maxaraic nqaishinaq quiyim qomi' ña'deenaxata', ca' vii naua seconaxau'alo qarqaỹa', ca que', ra'ajnaxanalo qamiri, liỹareta'pe naua qanauochaxaua' qarqaỹa' Bernabé chaqai na Pablo.

Hechos 15:28

Ma' 'eco' 'maxaraic queso Espíritu Santo chaqai coqomi' quiyim qaica ca resalli senaxasoxolec qamiri, chaqaidaata dá'maq viñii quiyim 'yiiñii:

Hechos 18:23

Ca co'na' shi'gom neeta'anyi, ca lotqai eec, queetagui, 'onatac nqai'en ana no'ueenaxanaxaquiripi quiyi 'laua Galacia chaqai yi Frigia, ỹa'ñaxatetac ná'ogue ná'maq mashic ỹacoñiguit da na'qaatec.

Hechos 23:26

“Aỹim Claudio Lisias, qami' ỹauochaxat ỹashi Félix, selata qami' da iquinaxanaxac.

Hechos 24:3

Dá'ogue dajo seconaxaguit quecanchaqa seuqata'gue, ca 'uo' da qanetoonaxac chaqai quiyim qami' qarauochaxat qarashi Félix.

Hechos 26:25

Qam so Pablo 'naaco': —Qami' ỹashi Festo, mesqai ỹim lecmaxaic, ma' dá'maq sa'xatetac ỹaatqajam 'maxaraic chaqai lliqueta.

1 Corintios 16:12

Qam so qarqaỹa Apolos ỹaatqajam yipaca'a quiyim queguelo saua liỹa' qarqaỹa' quepegueto qamiri, qam sqai eec nagui. Qam eeco' ma' 'ue ca ledaaqa'.

1 Corintios 7:40

Qam aca'maxare paguec la'maxa queta' tot liỹa 'on. 'Eda dá'maq ỹa'deenataxanaxac, chaqai seuelec quiyim aỹim qai'neeta hueetaỹot ca Espíritu chicqo'ot ñi qota'olec.

1 Timoteo 4:6

No'm paxaguinataxañitegue dajo quena qarqaỹaripi, ca' ỹaatqajam qami' no'uen lo'ueenataxanqajnec so Jesucristo, chaqai ra'ñaaqataxanqachichi' naua na'qaatqa quedá'maq leloxoỹaxac da npi'ỹaxac chaqai dá'maq 'maxaraic napaxaguinataxaqui' qui'salec.