Lucas 1:29 - La'qaatqa ñi qota'olec Qota'olec & Qota'olec Novita Na Qomyipi

²⁹ Qam aso'maxare co'na' iuana so nelaatec, ỹaatqajam no'daxatetec dajo na'qaatec. Ca aso'maxare chi nenateteguelta' queca 'neeta: “¿Negue' ca 'neeto' da ñiquinaxac?”

Lucas 1:29 Iomraidhean Croise

Mateo 16:7

Ca' saua lapaxaguinatqa retaxaỹata', 'neraco': —Dajo 'naac, ma' sqaica ca ñi'xataq pan.

Lucas 1:12

Ca co'na' iuana so nelaatec piguim le'ec so Zacarías, ca' ỹaatqajam se ỹa'den ca 'neeta, chaqai ỹaatqajam 'xoic da lqolonaxa.

Lucas 1:28

Ca' so chicqashiguim nelaatec inoxono queso 'imec quiñí'maq neetaugui aso'maxare. Ca' iquin, 'ne'tegue: —¡Qami' mashic qami' nqouaguegue ñi qara'gaxala' qota'olec! Ñi'maxare qami' ima'guit. Ñi'maxare ỹaanem qami' da lqouagaxa, ca' sqaca nqai 'nejem aqami' caná'ogue ana liỹa 'aalo.

Lucas 1:66

Ca' ỹaatqajam ra'deenataxantac ná'ogue ná'maq ỹovira'oga quiyim ỹa'den dajo chaqai nenatetecta' queca 'neeta: —¿Tegue' canchaqai 'neeto' ma'le ca 'neeta so noctoqui'? Ma' ñi qara'gaxala' ỹaatqajam ỹotauantac so'maxare.

Lucas 2:19

Qam aso María ỹa'maxat cañi le'taxanata dá'ogue dajo, chaqai ỹaatqajam naloqochintac da'maxare.

Lucas 2:51

Hua'ñiyi, ca pil so'maxare, queuguilo saua leta'al, taategue da Nazaret. Ca' so'maxare queetalec quiyim na'xaỹaxane'talo saua leta'al. Qam aso late'e ỹaatqajam ỹa'maxat cañi le'taxanata dá'ogue dajo.

Hechos 10:17

Ca' so Pedro ñaq ra'deenataxantac negue' ca 'neeto' so lauanaxanaxac, ca ỹovirero quiñi lasom saua ỹale' nelaatqa so Cornelio, renataxansaque ca la'a' so Simón.

Hechos 10:4

Qam so Cornelio chi ra'iito'oto' so nelaatec chicqashiguim, ma' 'xoic da lqolonaxa, chi nacantauco' quiyim inat: —¿Negue' ca, qami' ỹa'gaxala'? Ca' so nelaatec 'naaco': —Ñi qota'olec ỹacoñiguit da nqouagaxainaxaqui' chaqai da 'ñiisari' quena' tauañi' ná'maq 'ue louenaxanaxa.