Lucas 1:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Ca' qanachaxano' so Zacarías queso nelaatec piguim le'ec quiñi qara'gaxala'. So'maxare nachaatetañi, pa'aata'gue da loic aso ncopatoxonaxalate quena nichiinaxanaxat lo'daxaraic lahita.

Lucas 1:11 Iomraidhean Croise

Levítico 16:13

Ca' cajo nichiinaxanaxat seuanchigui inaxañigui ca norec. Ca' naua lesalaxa' so nichiinaxanaxat pojlec nqai'en aso lapooquete aso lahite' saua ilaataxanaxaco. Ca' quedajo, ca' se ileu ma'le ñi Aarón.

Lucas 1:19

Ca' so nelaatec 'naaco': —Aỹim chaqaỹim Gabriel, ma' sento'ot ñi qota'olec. Ca' ñi'maxare nela' aỹim quiyim setaxaỹa'pegue' qami' quiyim sa'xatem qami' da no'uen ra'xaỹaxaqui'.

Lucas 1:28

Ca' so chicqashiguim nelaatec inoxono queso 'imec quiñí'maq neetaugui aso'maxare. Ca' iquin, 'ne'tegue: —¡Qami' mashic qami' nqouaguegue ñi qara'gaxala' qota'olec! Ñi'maxare qami' ima'guit. Ñi'maxare ỹaanem qami' da lqouagaxa, ca' sqaca nqai 'nejem aqami' caná'ogue ana liỹa 'aalo.

Lucas 2:10

Qam so nelaatec 'naaco': —Se ro'chii, ma' ỹim ñoda'alo qamiri da no'uen ra'xaỹaxaguii. Ma' da'maxare ỹo'uet ma'le ca netoonaxac ná'ogue na qomyipi.

Lucas 2:9

Ca' chi re'laqataxanta quiyim nachaxan so lelaatec piguim le'ec ñi qara'gaxala'. Ca dá'maq lauaq ñi'maxare ỹaatqajam coỹarelgoto saua'maxare, ca ỹaatqajam 'xoic da lqolonqa'.

Hechos 5:19

Qam queca pe so chicqashiguim qota'a lelaatec ỹauachiguilo naua lasomi' aca ncoñiitaxanaxaqui, ca naqata'alo saua'maxare. Ca 'naapegalo:

Hebreos 1:14

Ná'ogue ná'maq nelaatqaipi piguim laseripi, na'maxare se re'xogui, ro'ueenataxantacot ñi qota'a. Na'maxare nelaatqaipi quiyim ỹotauan ná'maq icoñiguit ma'le ca nca'laxa.

Apocalipsis 9:13

Ca' so liỹa nelaatec piguim le'ec pi'chigui aso lpe'te, ca' 'ue so sa'xaỹaque na'qaatec 'maxañiguilo saua cuatro lasote aso ncopatoxonaxalate 'oro neeta'ñi da reloqota'gue ñi qota'a.

Jueces 13:3

Qam so lelaatec ñi qara'gaxala' piguim le'ec nachaxana, ca 'naaco' caso'maxare: —Qami' ỹaatqajam se ỹauanapega 'ue ca qachaalqui', qam nagui, ca' qami' 'mañi', ca 'ue ma'le ca qachaalqui'.

Jueces 13:9

Ca' ñi qota'olec saachiguit na'le dá'maq lashiilaxanaxac so Manoa, ca so lelaatec ñi'maxare, ca lotqai liỹa nachaxana aso 'aalo na' hueetalec yi no'ueenaxa aso'maxare. Qam ma' so Manoa se liỹaatac aso loua,