Levítico 9:22 - La'qaatqa ñi qota'olec Qota'olec & Qota'olec Novita Na Qomyipi

²² Ca' so Aarón ỹachaxañishiguim naua lqai'laqate', ca' ỹaanem da no'uen llicyaxac so Israel llaalqaipi. Ca co'na' mashic ỹomat ỹaano aso nachitaxanataxanqate quiyim qaỹapalaxat na nasauaxaseteripi, chaqai aso nachitaxanataxanqate qaỹavigaxat, chaqai asó'maq qoỹaano quiyim qaropilot ñi qota'olec, ca' qoshiiuec ca'e aso ncopatoxonaxalate.

Levítico 9:22 Iomraidhean Croise

1 Reyes 8:55

Ca' so'maxare nachajñi, ca' ỹaanem da nqouagaxa sá'ogue so llaalqaipi so Israel, ỹaatqajam nelamaxaren, 'naaco':

Números 6:22

Ca ñi qara'gaxala' ỹalamaxachichigui so Moisés, ca 'naaco':

Marcos 10:16

Ca' so Jesús qa'aalougui so ñaaqaipioqui', ca' ỹaanem da no'uen llicyaxac, chaqai sá'ogue ỹashil-lec.

Lucas 24:50

Ca' so Jesús ỹaueguerec queda pa'aauec quiyi na'a' lodegaxat. Ca co'na' ỹovire'oga yi Betania, ca' ỹachaxañishiguim naua laua', ca ỹaanem da nqouacqa' saua'maxare.

Hechos 3:26

Na' ñi qota'olec liỹa nca'laxatec so llaalec, ca' 'au ilatalo qamiri, ỹahotaque ỹaanouguilo qamiri cá'maq no'uen, qaiyi quecá'maq 'óna caqamiri ỹalate' caua se no'viiñi no'ueenataxaco.

2 Corintios 13:14

Chaqai coñiguit da lqouagaxa so qara'gaxala' Jesucristo, chaqai da le'xorenataxanaxa ñi qota'a, chaqai quiyim ỹalequetauguilo qamiri so Espíritu Santo. Ajá'a, ca' chaqaida 'neeta dajo.

1 Pedro 3:9

Cá'maq se no'uen sqai pilaxachilec ca se no'uen, chaqai no'm qarishiviñii, qam sqai shiuenaxañii. Ta'ta'a quiyim 'ỹaañim ca no'uen ra'qaachiguii ca qom, ma' ñi qota'a roỹaxanalo qamiri quiyim coñiguit ca qouagaxa.