Levítico 9:2 - La'qaatqa ñi qota'olec Qota'olec & Qota'olec Novita Na Qomyipi

² Ca 'naaco' queso Aarón: —Coñira'a ca huaqui llaalec qaica ca lcoñiraxa, ca 'ỹaañiro qaiyi qaỹapalaxat na rasauaxashichi', chaqai ca qagreta loua' qaica ca lcoñiraxa, ca 'ỹaañiro quiyim qaicopata'a rachitaxanataxanaxachi', ca do'ira'alo ñi qara'gaxala'.

Levítico 9:2 Iomraidhean Croise

Levítico 16:3

Ca' so Aarón ma' inoxona'a na ñqa'xanqa' pootalec, qam 'au ỹavigaxat ca' ỹaano ca huaqui llaalec qaiyi sapalaxat na lasauaxaset, chaqai ca qagreta loua' ỹaano quiyim ỹavigaxat lachitaxanataxanaxat.

Levítico 16:5

Chaqai so Aarón ỹachigoxotaugui na Israel llaalqaipi caua ỹaconeu'alo dos quetaq louaari, ca ỹaando qaiyi sapalaxat na lasauaxaset, chaqai ca qagreta loua', ca' qoỹaano qaỹavigaxat, ca' lachitaxanataxanaxat.

Levítico 9:3

Ca na Israel llaalqaipi 'ñirapega quiyim ỹaconeu'a ca quetaq loua', ca ỹaano qaiyi qaỹapalaxate' caua lasauaxasete', chaqai ca huaqui llaalec chaqai ca qagreta llaalec cá'maq ñaqai 'oonoqui' yi niñaaxa, caua'que qaica ca lcoñiraxa', ca' caua'maxare qoỹaando, ca qaỹavigaxate' quiyim lachitaxanataxanqate'.

2 Corintios 5:21

So Cristo ỹaatqajam qaica ca lasauaxaset. Qam ñi qota'a 'ec nqai'en ca sauaqhuaic sauaxate' qomi', qaiyi ma' qomi' ña'daqatau'a so Cristo, ca sovirqau'a dá'maq no'uen chaalataxac dá'maq ỹahotaque quiyim shinqatari' quet ñi qota'a.

Hebreos 5:3

Chaqai quedá'maq ma' sqaica ca la'ñaxac, ca na'maxare qai'neeta ỹaano aná'maq chi lachitaxanataxanqate quená'maq chi lasauaxaset quiyim ỹavigaxat, 'nejem quená'maq lasauaxaset na liỹa qomyipi.

Hebreos 7:27

Mesqai 'nejem ná'maq liỹa lashi na netaxaỹaxanqajanqaipi, ma' na'maxare ỹouen quiyim ỹalauat na iseripi, ca ỹaantapego naua'que naua na'xata' quiyim ỹavigaxat ana lachitaxanataxanqate, qaiyi qaỹapalaxate' naua chi lasauaxasete', ime, ca lot qalam na lasauaxaset na qomyipi. Qam so Jesús imaauec 'oonoqui' ỹaano so lachitaxanataxanaxat na' ỹaano dá'maq chi nachaalataxac.