Levítico 19:3 - La'qaatqa ñi qota'olec Qota'olec & Qota'olec Novita Na Qomyipi

³ Quiñi 'óna se napacqajan queca leta'a chaqai caca late'e. Se napaguiỹalgoto qai'neeta naua na'xata' ñco'mataxaqui'. Ma' ỹim ná'maq ỹim na'gaxala', ỹim qota'olec caqamiri.

Levítico 19:3 Iomraidhean Croise

Génesis 48:12

Ca' so José naqata'alo saua ñaaqolqai' quenaua loteletari so leta'a. Ca' ỹa'dooto naua le'cootal, ỹoviraqta'guit na latap na 'laua.

Éxodo 20:12

Na'xaỹaxañita ca qataa'i' chaqai aca qachii'i', qaiyi ladoc aca rqauaxagui'i' quena 'laua ná'maq saanem qami' ỹim ra'gaxalachi' qota'olec.

Éxodo 20:8

'Neeto' couahi'e yi na'xa'a co'mataxaqui quiyim yimaqachiñii.

Proverbios 1:8

Qami' ỹaalcolec, na'xaỹaxañitalo naua lapaxaguinataxanaxaco najo qataa'i', chaqai sqa 'laxachite naua lapaxaguinataxanaxaco añi qachii'i',

Proverbios 23:22

Na'xaỹaxañita ca qataa'i' ma' qami' lo'ueenatec; 'neeto' se rqo'chita aca qachii'i' ma' qo'xoỹom.

Proverbios 30:17

Cá'maq se nqo'ta ca leta'a quiyim ra'iito'ot chaqai ca i'neetac aca late'e quiyim qo'xoỹom, paguec la'maxa quiyim qaỹa'gue' naua nqote' queca ratecsan chaqai qaỹa'ic queca o'ic.

Levítico 19:31

Chaqai sqai quiipegue' quiyim nachii na se re'xogui nqui'illipi chaqai ná'maq nachinchigui quiyim 'ue ca ỹa'xat. 'Neeto' 'ec napio'xote' qamiri quiyim nachii. Ỹim ná'maq ỹim na'gaxala', ỹim qota'olec caqamiri.

Levítico 19:34

'Xoriñii, 'ñiita'gue cá'maq ỹaatqajam qauori le'ec, ma' qamiri qai'neeta ỹoqa'a ca chicqoỹa'gue na' ñiita'gue da Egipto. Ỹim ná'maq ỹim na'gaxala', ỹim qota'olec caqamiri.

Malaquías 1:6

Ñi qara'gaxala' sqaica lqalanec 'neetasa' da la'qaatec queso netaxaỹaxanqajanqaipi: Na ñaalqaipi imaqachin na leta'allipi, chaqai na ñaaqainatqaipi se napacalec ca ỹa'xat na na'coororipi. Qam no'm ỹim qata'ahi, ¿chi'negue ma' napaguiiteguelec quena' 'ue dá'maq sa'xat? No'm ỹim na'coori, ca ¿chi'negue ma' se na'xaỹaxañiua'? Qamiri se rqo'chiiua', qam qaiyiita 'ñiỹac: ¿Negue' cá'maq 'neeto' quiyim se qarqo'ta qami'?

Deuteronomio 27:16

Ñi qota'olec ỹo'uet ca nouaxanaxaset cá'maq se nqo'ta ca leta'a chaqai aca late'e. Ca ná'ogue na qomyipi 'naac: Ajá'a, chaqaida 'neeta dajo.

Hebreos 12:9

Chaqai qai'neeta na' ñaqai qomi' ñaaqaipioqui', ca' na qareta'allipi quena 'laua ña'xaỹaxanqa'talo quena' qarapaxaguin. Ca' ¿chi'negue queta' sqai paguec ña'xaỹaxanaxa ñi qota'a se re'xogui, qaiyi 'ue ca qarca'laxa?