Levítico 19:2 - La'qaatqa ñi qota'olec Qota'olec & Qota'olec Novita Na Qomyipi

² —'Ñirapego' na Israel llaalqaipi dá'maq ỹa'qaatec 'neetasa': Ỹim na'gaxala', ỹim qota'olec caqamiri, sco'teeta, vichiguiño' qamiri ỹaatqajam no'uen quiyim nco'taxachita.

Levítico 19:2 Iomraidhean Croise

Éxodo 19:6

Ca' qamiri 'ñiitari' ma'le ca qomyipi netaxaỹaxanqajanqaipi quiyim qaretaxaỹa'pegue' aỹim quena ỹoreta'oguit qomyipi. Chaqai 'ñiitari' ma'le ca qomyipi qaỹoỹoota'oga, ca qoỹaanot aỹim.” Ca' dá'ogue dajo 'xachi'o' ma'le quena Israel llaalqaipi.

Levítico 19:1

Ca' ñi qara'gaxala' ỹalamaxachichigui so Moisés, ca 'naaco':

Amós 3:3

Ca lotqai 'naac so Amós: No'm 'vii caua dos nauequetecta', ca' caua'maxare na'deene'ejta';

Mateo 5:48

Ca' ỹaatqajam 'maxaraic nqai'ñii ca no'ueenataxaguii, qaiyi 'ñiitari' ñi qota'a ñí'maq viilec neeta'gue da piguim ỹaatqajam 'maxaraic naloochiguiñi da no'ueenataxac.

2 Corintios 7:1

Ca vichiguiño' qamiri ñauochaxaua' ỹaqaỹa', 'enaua nauá'maq qaỹachaxanta'pe coqomi'. Vichiguiño' se squeuocqau'a ná'ogue ná'maq ishit napio'xote' qomi' quena qaroshicmaxa, chaqai quena qara'al. Qaro'cha'a ñi qota'a, chaqai somatqo'ot da qanachaalataxac ñi'maxare.

Efesios 1:4

Ñi qota'a qomi'o' lca'acse' chicqochigui nqai'en so Cristo na' saqa' ỹo'uet na 'laua, qaiyi seuqato'ot ñi'maxare quiyim co'teeta da qanachaalataxac chaqai qaica ca qarasauaxaset.

Josué 24:19

Ca' so Josué 'naaco' queso qomyipi: —Qamiri peeta'a sqai shichii quiilec ñi qara'gaxala', ma' ñi'maxare ỹaatqajam qota'olec co'teeta chaqai qaica ca ỹa'maxaren. Chaqai ñi'maxare se ishit quiyim na'ñaxachiguit na se no'uen chaqai na nasauaxaseteripi.

1 Samuel 2:2

¡Qaica ca co'teeta 'nejem qami' ỹa'gaxala'! ¡Qaica ca quepaqataxanlec ca qom, 'nejem qami', qami' qota'olec coqomi'! ¡Qaica ca liỹa, chi qaqamite'!