Levítico 19:18 - La'qaatqa ñi qota'olec Qota'olec & Qota'olec Novita Na Qomyipi

¹⁸ 'Neeto' vi'saque ca rovichi', chaqai sqo quirapeguem cá'maq chi qauochi'. Rauochitegue ca riỹa'e', ma' chaqai 'nejem qami'. Ỹim ná'maq ỹim na'gaxala'. (19.19-30 Naqataxac quiyim nco'taxateta ca qom, chaqai quena' qanqouagaxainot ñi qota'olec, na'maqataxac ca qom, da nouaxanaxaset cá'maq se na'xaỹaxan, chaqai nauá'maq no'viiñi ỹachaxanta'pe ñi qota'olec.)

Levítico 19:18 Iomraidhean Croise

Génesis 4:23

Ca 'uo' so na'xa'a, ca 'naaco' so Lamec quesaua loua' Ada chaqai aso Zila: Ỹaatqajam na'xaỹaxañii'ta dá'maq shinac caqamiri: salauat so 'óna qom sauaxat ycoñirqachit, chaqai salauat so ne'necoqui' ma' youaxan.

Salmos 103:9

Mesqai naua'que naua na'xata' nelaqatapegalo qomi', chaqai mesqaida quiyim se neme quet ca lauel coqomi';

Éxodo 20:16

Se na'majñi' quiyim cuachirau'a ca 'xachi' se no'uen quecanchaqaica qom.

Levítico 19:34

'Xoriñii, 'ñiita'gue cá'maq ỹaatqajam qauori le'ec, ma' qamiri qai'neeta ỹoqa'a ca chicqoỹa'gue na' ñiita'gue da Egipto. Ỹim ná'maq ỹim na'gaxala', ỹim qota'olec caqamiri.

Mateo 19:16

Ca 'uo' so ne'nec quepegue' so Jesús, ca renataxan, 'naaco': —Qami' huagaxaraic napaxaguinataxanaq, ¿nega'ỹo' cá'maq so'uet ỹa'maqachiguiñi, ca' 'ue ca ica'laxa sqaica lqodoc?

Mateo 19:19

se napaquiseguelec ca qataa'i' chaqai aca qachii'i'; rauochitegue ca liỹa qom, 'nejem qami' nauochiralta'.

Juan 13:34

Saanema qamiri najo dalaxaic nelaataxanaxac, quiyim ñi 'óna i'xoren ca liỹa. 'Nejem dá'maq i'xorenataxanaxa caqamiri, ca' chaqaida 'ñiita'gue quiyim ne'xoriñiỹata'.

Hechos 16:28

Qam so Pablo ỹaualaxalec, ca 'naaco': —Se na'yiralta', ma' qomá'ogue seuqate'e najo.

Romanos 12:17

Cá'maq se no'uen ca 'neeta'pegue caqamiri, sqo pilaxachilec ca se no'uen. Ta'ta'a quiyim 'viichii ca ỹa'maqachiguiñi quiyim cá'ogue qaỹa'yiinchigui.

Romanos 12:19

Qamiri ñauochaxaua' ỹaqaỹarolqa, 'neeto' lotqai viitaque ca chi rovirii, ta'ta'a quiyim 'xañiigue quiyim chaqaiñi ñi qota'a ñí'maq rouaxanaxan. Ma' quenaua naneresañi la'qaatqa ñi'maxare 'neracsa': “Chaqaỹim ná'maq sa'ue ca nouaxanaxaset ca qom, chaqai chaqaỹim ná'maq seshiuetenaxan, 'naac na ra'gaxalari.”

Romanos 13:4

Ma' na'maxare lo'ueenataxanqajnec ñi qota'a, qaiyi sqaicanqaida caqami'. Qam no'm sqa 'maxachira'gue da no'ueenataxaqui', ca' 'ue ca rqolonaxa'e'; ma' se reualaxaitac ca nashi quiyim ỹa'ue ca nouaxanaxaset ca qom, ma' ro'ueenataxantacot ñi qota'a quiyim ỹa'ue ca nouaxanaxaset cá'maq ỹo'ueetetac ca se no'uen.

Romanos 13:9

Ma' na naqataxaquipi 'naacsa': “Se nocachisa'guit aca se roua'e', sqa lauataxañi', sqo cuachi', se na'majñi'relec ca liỹa, se ripichira'a ca ỹoqa'a”; qam nauajo chaqai ná'ogue na liỹa naqataxaquipi imaaguilo dauajo na'qaatqa 'neracsa': “Rauochitegue ca riỹa'e', 'nejem nqai'ñi' qami' nauochiralta'.”

Gálatas 5:14

Ma' ná'ogue na naqataxaquipi ỹomata'ta' da 'oonoqui' nelaataxanaxac: “Rauochitegue ca riỹa'e', 'nejem qami' quiyim chi nauochiralta'.”

Gálatas 5:20

chaqai nqouagaxaintacot na nqolaquipi, chaqai 'naxanaxai, chaqai da lauelgaxanaxac, lapetaxanaxac, chaqai da lco'ualaxanaxac, sqo ỹoxo'ña lauel, 'ue da naquitete'e quiyim 'ue ca ỹo'uet, chaqai lapoonta' na qomyipi quiyim ỹoỹoota'chi.

Efesios 4:31

Ca 'xañiñi dá'ogue da roquiiaxahi queca riỹahi, ná'ogue na nonogoxonaxac, chaqai quiyim ỹaualqatalec ca liỹa, loqo'm rishiuenaxantac, chaqai quiyim queetapegueu'a ca liỹa, chaqai ná'ogue na se no'uen 'xañiñi.

Colosenses 3:8

Qam nagui 'xañiñi ná'ogue najo: nonogoxonaxac, nayiloxoc, ná'ogue na se no'uen, no'ooqotaxanaxac, chaqai naua na'qaatqa la'axaqa.

Hebreos 10:30

Sa'deenaq quiyim ñi qara'gaxala' 'naac: “Chaqaỹim ná'maq so'uet ca nouaxanaxaset ca qom, chaqai chaqaỹim ná'maq seshiuetenaxan.” Chaqai qai'neeta 'naac: “Najo ra'gaxalarii ỹo'uet ma'le na nouaxanaxaset na lalamqateripi.”

Santiago 2:8

No'm ipaquichigui nqai'ñii dá'maq ỹaatqajam naqataxac ma' chaqaida dá'maq 'naac yi naneretañi na'qaatec: “Rauochitegue ca riỹa'e', 'ñiisa'gue quiyim qami' nauochiralta'”, ca' 'viichisac dá'maq ỹaatqajam ỹa'maqachiguiñi.

1 Pedro 2:1

Ca' vichiguiño' 'maxaraic quiyim 'xañiñi ná'ogue na se no'uen, ná'ogue na na'maachic, chaqai sqai dos caua ra'deenataxanaxagohi, chaqai se pa'guiñitac ca riỹahi, chaqai sqai qamiri la'axaqa lo'o'.

1 Juan 4:21

Ca ñi'maxare ỹaanema qomi' da lelaataxanaxac: Quiyim cá'maq i'xoren ñi qota'a, ca' i'xoren qai'neeta ca lqaỹa.