Levítico 19:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ 'Neeto' do'isac ca se no'uen na'qaatec quena qauochi'. 'Neeto' lliquirau'a quiyim qaỹalauat ca riỹa'e'. Ỹim ná'maq ỹim na'gaxala'.

Levítico 19:16 Iomraidhean Croise

Salmos 15:3

cá'maq se ỹa'xat ca se no'uen queca liỹa; cá'maq ỹaqamaxateta ca nauochaxaua chaqai se ỹo'ooqochit ca sqoỹoqaque queca la'a';

Salmos 50:20

Ca' naqaisac ca rqaỹa'e'; ¡sqai 'maxachira'gue cá'maq ralamaxarichi' rqaỹa'e'!

Éxodo 20:16

Se na'majñi' quiyim cuachirau'a ca 'xachi' se no'uen quecanchaqaica qom.

Éxodo 23:1

Sqai 'xachi' cá'maq chi na'qaataxanaxac quiyim sqai llic, chaqai sqai qoshi'relec cá'maq ỹo'uet cá'maq se no'uen.

Éxodo 23:7

'Neeto' lotqai 'isapegueu'a ca na'qaataxanaxac quiyim sqai llic, chaqai sqai 'ỹaañichiguit quiyim qaỹalauat cá'maq sqaica ca taỹapegueu'a chaqai quiyim sqaica ca lasauaxaset. Ma' ỹim sqai shinac sqaica ca lasauaxaset cá'maq 'ue ca ỹasauaxat.

Mateo 27:4

Ca 'naaco' quesaua'maxare: —Ỹim 'ue da ỹasauaxaset, ma' saañiguit da lelauaxa so ỹale qaica ca ỹasauaxat. Qam saua'maxare 'neraco': —Dajo coqomi' ¿negue' quet cá'maq 'negue? Ma' ¡dá'maq dajo chi rasauaxashichi'!

Deuteronomio 27:25

Ñi qota'olec ỹa'ue ca nouaxanaxaset cá'maq qaishiuetenta quiyim ỹalauat ca liỹa quiyim qaica ca lasauaxaset. Ca ná'ogue na qomyipi 'naac: Ajá'a, chaqaida 'neeta dajo.

1 Timoteo 3:11

Chaqai aca 'aalo qai'neeta ỹaatqajam no'uen da na'qaataxac. Mesqai la'axaqa lo'o', chaqai sqa ỹaaquioxoi, chaqai ỹaqamqata quená'ogue na lo'ueenataxanaxac.

2 Timoteo 3:3

Ma'le, ca' se re'xorenataxan, chaqai se ỹauotegue ca liỹa, chaqai la'axaqa lo'o', se netelalta', chaqai qa'uaic, chaqai ỹaatqajam npa'guenaxaua dá'maq ỹa'maqachiguiñi.

Tito 2:3

Qai'neeta 'ñirapega ná'maq 'aalo qo'xoi quiyim ỹaatqajam ỹaỹajanta da llicyaxac quiyim queeta'pegue' ñi qota'a. Chaqai se la'axaqa lo'o', chaqai se ne'taaxai. Ta'ta'a quiyim ỹachaxan da no'uen 'ueenataxac

1 Pedro 2:1

Ca' vichiguiño' 'maxaraic quiyim 'xañiñi ná'ogue na se no'uen, ná'ogue na na'maachic, chaqai sqai dos caua ra'deenataxanaxagohi, chaqai se pa'guiñitac ca riỹahi, chaqai sqai qamiri la'axaqa lo'o'.

1 Samuel 24:10

Ca' nagui, qami' qarashi, 'yiiñite' quiyim ñi qara'gaxala' nañan qami' quiyim salauachi' quiyi quiñi lauac. Qam ỹim se salauachi'. Ta'ta'a quiyim chi se'xoren da nachaalataxaqui', ma' shinac quiyim qami' nashi, ma' chaqaiñi ñi qara'gaxala' qami' lca'acsec.