Levítico 19:13 - La'qaatqa ñi qota'olec Qota'olec & Qota'olec Novita Na Qomyipi

¹³ 'Neeto' sqa 'maxachira'gue ca riỹa'e', chaqai sqai huootaxañira'gue ca louenec. Chaqai sqai viraqchira'guit ca liỹa nete'e quiyim shivichiñi' aca lauegue cá'maq ro'ueenataxantacot aqami'.

Levítico 19:13 Iomraidhean Croise

Éxodo 20:15

Sqo cuachi'.

Éxodo 22:21

'Neeto' sqa 'maxachiỹa'gue chaqai 'ñiỹari' ca ỹoqa'a ca chicqa'gue, ma' qamiri qai'neeta ỹoqa'a ca chigoxoỹa'gue na' ñiita'ñi yi Egipto.

Proverbios 22:22

Sqai hualaxaiñirari' ca 'xoraic ma' 'xoic ca le'xoric, se pataqairiñi queca nasauaxaset cá'maq qaica ca qoshiilec,

Jeremías 22:13

¡'Xoraicolec qami' ma'le, ma' quiichigui nqai'ñi' da se no'uen chaqai da se ỹa'maxañi ro'ueenataxanaxaqui' quena' no'xoñirishiguim na qauochi' lodegaxat chaqai ná'maq ladocaic 'imec ralamaxarichi', quena' 'ueenataxanaxañi' na liỹa qomyipi, qam sqai shivichiñi' da lo'ueenataxanaxac!

Ezequiel 18:7

sqaica ca pataxañi, ta'ta'a quiyim ỹopilaxatem cá'maq 'ue aca la'uale cá'maq icoñiguit louenec queca'maxare; qaica ca rocachot; chaqai nouante'e' cá'maq qopat chaqai ỹa'ue ca looỹac cá'maq neetauec;

Malaquías 3:5

Ñi qara'gaxala' sqaica lqalanec 'neetasa' da la'qaatec: Ỹim semite' qamiri ma'le queda rasauaxashichii. Chaqai ỹim ná'maq seuanchigui ná'maq ỹoiquen ca liỹa, ná'maq lapaatapi'ñi' ana se loua, ná'maq nallitalta' quena' 'ue da ỹa'xat, qam se ipacqajñigui, ná'maq qa'viita'pegue na 'ueenataxanaxairipi chaqai ana pa'ỹe chaqai na na'pelyipi, chaqai ná'maq se ỹa'maxata'gue na ỹoqa'a ca chicqa'gue, chaqai ná'maq napaqueteguelec aỹim.

Mateo 20:8

Ca co'na' mashic pe, ca' so a'co' 'naapega só'maq reloqota'a dajo no'ueenataxanaxac, 'naaco': “Ỹaxañire'oga da no'ueenataxanaripi, ca' shivichiñi'. 'Auaxanchiriño' quiyim shivichiñi' dá'maq co'uaataxantam ro'ueenataxan, ca' ỹovireta'oga nqai'ñi' dá'maq 'avichiguiñi ro'ueenataxan.”

Marcos 10:19

Mashic 'yiiñi' na nelaataxanaxaquipi: “Se nocachisa'e' aca se roua'e'; sqa lauataxañi'; sqo cuachi'; sqaica ca 'majñisac; sqa yinaxañi'; se napaquiralec ca qataa'i' chaqai aca qachii'i'.”

Lucas 3:13

Ca' so Juan 'naaco': —Ma' naqachii aca lishiuetenaxanqate na qomyipi, qam se napacalec nqai'ñii añi roỹaxanaque ca nashi.

1 Tesalonicenses 4:6

Ca' qaica ca napacalec chaqai rayinaxanta'gue dajo queca lqaỹa, ma' so qara'gaxala' Jesús ỹaatqajam ỹouaxan ná'ogue ná'maq ỹo'ueetetac dajo. Ca' dajo dá'maq shi'gue sa'xatqatac quiyim rovichiỹa'guit.

1 Timoteo 5:18

Ma' naua naneresañi la'qaatqa ñi qota'a 'nerac: “Mesqai qaỹa'ue lemicse' ca no'ueenataxanaxaqui ñii'lola quena' co'uelec nqohin na trigo quiyim qanaqat ana ala.” Qai'neeta 'naac: “Ỹa'maqachiguiñi quiyim qaỹa'ue aca nishiuete cá'maq ro'ueenataxantac.”

Santiago 5:4

Añí'maq rishiuetenaxanqachii se ipaguigui nqai'ñii quena qomyipi quená'maq ro'ueenataxantac naqatetac na la na qadañicshiguii, chaqañi añí'maq ro'laxanta'pegue' caqamiri. Ca' ñi qota'a ma' la'gaxala' ná'ogue na piguim laseripi, ca ñi'maxare 'qaatapega da laualaxac na 'ueenataxanaxairipi.