Levítico 19:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Chaqai sqai ỹaatqajam nomachite' ma' naqachi' ca qadanaxanqachi' 'uva loma'. Ca ná'maq najñi, ca' le'neetari' nqai'ñi', qaiyi ne'pala ma'le na 'xoraic chaqai na ỹoqa'a ca chicqa'gue. Ỹim ná'maq ỹim na'gaxala', ỹim qota'olec caqamiri.

Levítico 19:10 Iomraidhean Croise

Levítico 19:11

Sqo cuachii. Se na'majñii chaqai se nayiñitecta'.

Levítico 19:9

Ca ma' ỹovire'oga ca laloqo' quiyim naqachii la ca qadañicshiguii, ca' mesqai ỹaatqajam nomachitam, chaqai mesqai ne'palahi aná'maq la no'ueenañi.

Deuteronomio 24:19

Ca' quiyim ỹovita qataxañitac cana la na qadañicshiguii, ca' couahi'e aca nanaqata quena trigo, qam sqo pillihe'oga. Ta'ta'a quiyim 'xañitac, qaiyi ỹaconsop canchaqaica ỹoqa'a ca chicqa'gue quená'maq ỹalequetauguilo qamiri, loqo'm ca na'pelqotam, loqo'm aca pa'ỹe, qaiyi ñi qara'gaxala' qota'olec 'ue ca lqouagaxa caqamiri quecá'ogue cá'maq 'viichii.

Deuteronomio 24:20

Ca ma' ỹovita quiyim naqachii ana la na qadañicshii 'oliva, ca' mesqai ỹaatqajam nomachitam ana la quena lasotellipi. Ca ná'maq la no'ueenañi, ca' yí 'xañitac, qaiyi lapoon ma'le na ỹoqa'a ca chicqa'gue, chaqai na na'pelyipi, chaqai ana pa'ỹellipi.

Deuteronomio 24:21

Ca ma' ỹovita quiyim naqachii ana qadañicshii 'uva, 'neeto' paguec nomachitam ana la. Ca ná'maq no'ueenañi la, ca le'neetari' nqai'ñii, qaiyi ne'pala ma'le ná'maq ỹoqa'a ca chicqa'gue, chaqai na na'pelyipi, chaqai ana pa'ỹe.

Rut 2:2

'Uo' so na'xa'a, ca' aso Rut 'naaco' caso Noemí: —'Maxariñite' quiyim se'palaxanec, sha'apiguito' quiyim 'ue cá'maq mashic raqataxan ỹa'maxarenta quiyim chi sco'uaataxanta, ñi'palatac ana ni'ỹoqote la na nanecsec. Ca' aso ni'ỹoqoro 'naaco': —Ajá'a, mo'e', ỹaalole.