Levítico 16:6 - La'qaatqa ñi qota'olec Qota'olec & Qota'olec Novita Na Qomyipi

⁶ Ca' ỹaano cajo huaqui llaalec quiyim chi lachitaxanataxanaxat, ca ỹavigaxat, ca' sapalaxat na lasauaxaset, qaiyi sapalaxat ná'maq chi lasauaxaseteripi chaqai na lasauaxaset so llaalqaipi.

Levítico 16:6 Iomraidhean Croise

Job 1:5

Ca quena' ỹomate' da lqui'ỹaxague', ca' so Job roỹaxanouguilo saua llaalqa. Ca co'quena' nete'etam, ca' ne'laxashiguim, ca' ỹavigaxat añi lachitaxanataxanqate, 'onatac nqai'en quiñi 'óna llaalec, qaiyi co'it quena lasauaxaset. Ca' so Job se neme 'neeta'gue dajo, ma' sqoue quiyim 'ue ca llaalec se no'uen ca la'qaatec quiñi qota'olec pa'xantauo quena lauel.

Levítico 16:3

Ca' so Aarón ma' inoxona'a na ñqa'xanqa' pootalec, qam 'au ỹavigaxat ca' ỹaano ca huaqui llaalec qaiyi sapalaxat na lasauaxaset, chaqai ca qagreta loua' ỹaano quiyim ỹavigaxat lachitaxanataxanaxat.

Levítico 16:7

Ca ma' ime, ca iconeu'alo saua dos quetaq louaari, ca' ỹaanoto aỹim quiñi lasom ñi 'imec na'daañi, yí'maq hua'ñi quiyim qanauane'e' aỹim.

Levítico 9:7

Co'na' ime, ca' so Moisés 'naaco' queso Aarón: —Ñaq nqo'ñira'a añi ncopatoxonaxalate, ca 'ỹaañiro ca rachitaxanataxanaxachi' quiyim qaỹavigaxat qaiyi qaỹapalaxat na rasauaxashichi', chaqai 'ỹaañiro ca isecỹac quiyim vigaxachi' qaiyi qaỹapalaxat na rasauaxashichi' chaqai na lasauaxaset na Israel llaalqaipi. 'Ỹaañiro qai'neeta ca lachitaxanataxanaxat na Israel llaalqaipi qaiyi qaỹapalaxat ca lasauaxaset. Pacqajñichirigui dá'maq 'naac ñi qara'gaxala'.

Hebreos 7:27

Mesqai 'nejem ná'maq liỹa lashi na netaxaỹaxanqajanqaipi, ma' na'maxare ỹouen quiyim ỹalauat na iseripi, ca ỹaantapego naua'que naua na'xata' quiyim ỹavigaxat ana lachitaxanataxanqate, qaiyi qaỹapalaxate' naua chi lasauaxasete', ime, ca lot qalam na lasauaxaset na qomyipi. Qam so Jesús imaauec 'oonoqui' ỹaano so lachitaxanataxanaxat na' ỹaano dá'maq chi nachaalataxac.

Hebreos 9:12

Ca' so Cristo mashic inoxona'a yi noma' leenaxat qaica ishit ỹovira'a. Qam se ỹodoosauo caua leuo' ca quetaq llaalec chaqai ca huaqui llaalec, ta'ta'a quiyim ỹaando sauá'maq chi leuo'. Ca' chaqaida 'neeto' quiyim imaauec 'oonoqui' inoxono, ca 'uo' na'le nqai'en da qarca'laxa sqaica lqodoc.

Hebreos 9:7

Qam yí'maq liỹa pa'aauo noma' qaisoota so lashi na netaxaỹaxanqajanqaipi ishit inoxona'a, qam 'oonoqui' inoxono quiyi ñaaxa; chaqai quiyim inoxono, ca i'xatetauo na isecỹac leuoripi quiyim ỹaano, qaiyi qaỹapalaxat ná'maq chi lo'maxaseteripi chaqai ná'maq lo'maxaset na liỹa qomyipi.