Levítico 16:4 - La'qaatqa ñi qota'olec Qota'olec & Qota'olec Novita Na Qomyipi

⁴ Chaqai no'm inoxono, qam ỹansañi caua loho sauaapigui lo'ueenataxanaxaqui' chicqoraugui na lino, chaqai caua lpa'xanqate, chaqai ỹanñi ca laxa' na lasot, chaqai ca lapooque' na lqahic. Ma' shi'gue qoỹaanoto aỹim cauajo noho, vichiguiño' quiyim ỹañiñi, qam ỹa'auaxan nachil.

Levítico 16:4 Iomraidhean Croise

Éxodo 40:12

Ime, ca viqui' ñi Aarón chaqai na llaalqaipi quiñi leseeque'ta ñi lasom quiñi na'daañi 'imcoqui'. Ca' nachile' nqai'ñi'.

Isaías 53:2

Ñi qara'gaxala' ỹahotaco' quiyim so lelaatec queda llaxataxac 'ec aca nanecse ra'lliitam, ca' ta'iñi naua lpa'yii quena 'laua rashivita. Qaica ca loyac chaqai sqa taiguit da no'ueenataxac, chaqai dá'maq no'ueenataxac qaica ca lemaqachic;

Ezequiel 9:2

Ca na'le, ca seuane'talo saua seis ỹale' inoxondo quiñi lasom pa'aauo reloqota'gue da rapiguim, quiñi 'óna lo'qoota'a na nepon queda lqai'laxat. Quena lavinñi' saua ỹale' hueetañigui so liỹa saua loho nodaachiriñi lino, so'maxare nishitetañi so louenqaipi quiyim deraxan. Ca na' ỹovijta ada ncopatoxonaxalate bronce, ca' huere'e.

Levítico 16:23

Ime, ca' so Aarón inoxonougui ñi 'imec na'daañi yí'maq hua'ñi quiyim qanauane'e' aỹim, ca' naqate' saua loho lo'ueenataxanaxaqui' quena' inoxona'a yi ñqa'xanqa' pootalec, ca illira'anyi.

Levítico 16:24

Ca na' ñaqai hueetaugui ñi 'imec na'daañi, ca' nquiỹo quena huaxaỹaq. Ca ma' ime, ca' ỹañiñi saua chaqai loho, ca' ỹaano só'maq chi lachitaxanataxanaxat chaqai só'maq sauaaque ỹaano queso qomyipi. Ca sapalaxat ná'maq chi lasauaxaset chaqai so qomyipi.

Levítico 16:32

Ca cá'maq retaxaỹaxanqajñiguii quiyim retaxaỹa'pegue' aỹim ỹaatqajam nca'acsec quiyim qoỹanagui da lo'ueenataxanaxac ca leta'a quiyim retaxaỹaxanqajñiguii, ca ca'maxare ỹo'uet aca nachitaxanataxanqate, qaiyi sapalaxat na nasauaxaseteripi. Ca' ỹañiñi caua loho sauaapigui lo'ueenataxanaxaqui'.

Lucas 1:35

Ca' so nelaatec 'naaco': —Ca Espíritu Santo ta'ñigui qami' ma'le, ca' da la'ñaxac ñi qota'olec ma' lodegaxat ỹapolec qami', 'nejem ca naueguelec. Ca vichiguiño' cajo noctoqui' ma' ne'qaañi, ca'maxare ỹaatqajam qoỹaanot quiyim hueeto'ot ñi qota'olec. Ca' qaỹamata'gue llaalec ñi'maxare.

Filipenses 2:7

Ta'ta'a quiyim le'en illa'gue da lahi dá'maq chi no'ueenataxac, ca' neconaque quiyim 'ec ca na'ac co'na' ne'qaañi 'neetari' ca chaqai qom.

Hebreos 10:22

Ca' vichiguiño' ñoquiigaxau'a quet ñi qota'a, qam ỹaatqajam selloqochigui ca qaneneequesenaxac añi qare'taxanata chaqai ỹaatqajam 'chichiguiñi nqaishinaq ca qarpi'ỹaxac. Ma' ñi'maxare nachinñi nqai'en añi qare'taxanata, qaiyi totqai 'ec ñaqa 'ue ca qarasauaxaset, chaqai mashic nquiỹogoñi na qaroshicmaxa quená'maq no'uen huaxaỹaq.

Hebreos 2:14

Na ñaalqaipi 'oonoqui' ca qaỹachigoxochichigui. Na'maxare dá'ogue da no'ueenataxac; ca' chaqaida 'neeta nqohin so Jesús 'ec chaqai qom, qaiyi ishit ileu. Ca' queda, ca ishit ỹopoxoỹaxachigui só'maq hueeto'ot da nquesaxanaxa quiyim ralauataxan. Ca so'maxare chaqaiso so na'ỹaapec.

Hebreos 7:26

Ca' vichiguiño' chaqaiso so Jesús só'maq 'oonoqui' qaretaxaỹaxanqajnec souenqataque quiyim retaxaỹa'pegue' ñi qota'a. Ma' so'maxare co'teeta, qaica ca se no'uen chaqai ca lasauaxaset, qaỹoỹootec quena sauaqhuaiquipi, chaqai qaỹavicshiguim paguec lishicshi'ma nqohin quena piguim.