Levítico 16:34 - La'qaatqa ñi qota'olec Qota'olec & Qota'olec Novita Na Qomyipi

³⁴ Ca' dajo ilaataxanaxac qaica lqodoc caqamiri; quiyi ñaaxa lotqai qaỹo'uet aca nachitaxanataxanqate, qaiyi sapalaxat na lasauaxaset na Israel llaalqaipi. Ca qaỹo'uet qaipacqajanchigui dá'maq 'naaco' na'le ñi qara'gaxala' queso Moisés. (17.1—18.30 Nelaataxanaxac quena' qaỹavigaxat na nachitaxanataxanaxat quiyi lanatqa' ñi qota'olec, chaqai quiyim se qaỹa'ic na leuoripi, chaqai se qaỹa'maxaren quiyim qoyiueta'piguit ca sqoỹoqa'a chaqai ca isecỹac.)

Levítico 16:34 Iomraidhean Croise

Levítico 16:2

Ca' ñi qara'gaxala' 'naaco' queso Moisés: —'Ñirapega ma'le ñi rqaỹa'e' Aarón quiyim se inoxona'a yi co'teeta ñqa'xanqa' quecanchaqaica na'xa'a yí'maq pootalec queso napoxonaxat, chaqai yi pa'aata'guit añi lapooquete añi lahi' na ilaataxanaxaquipi, qaiyi se ileu. Ma' ỹim ñoviriñi ma'le, seuetaugui so naueguelec, seuetalec añi lapooquete añi lahi' na ilaataxanaxaquipi.

Hebreos 10:14

Ma' so Jesucristo ỹachigoxochichigui aso 'oono'lli' lachitaxanataxanqate, ca chaqa'ma' sqaica lqodoc quiyim nachinchiguiñi da no'ueenataxac ná'maq mashic co'taxat.

Hebreos 10:3

Qam dá'maq 'neeta najo nachitaxanataxanaxat chi ỹo'leenta'a nqai'en na lasauaxaseteripi quiyi ñaaxa,

Hebreos 9:25

So la'gaxala' na letaxaỹaxanqajanqaipi na judioipi, so'maxare 'oonoqui' inoxona'a yi noma' qaica ishit ỹovira'a quiyi ñaaxa quiyim ỹaano qaiñitaxajlec nauá'maq se lalamaxarete' leuo'. Qam queso Cristo, ca' sqai piltalec quiyim nañaano.

Hebreos 9:7

Qam yí'maq liỹa pa'aauo noma' qaisoota so lashi na netaxaỹaxanqajanqaipi ishit inoxona'a, qam 'oonoqui' inoxono quiyi ñaaxa; chaqai quiyim inoxono, ca i'xatetauo na isecỹac leuoripi quiyim ỹaano, qaiyi qaỹapalaxat ná'maq chi lo'maxaseteripi chaqai ná'maq lo'maxaset na liỹa qomyipi.