Levítico 16:29 - La'qaatqa ñi qota'olec Qota'olec & Qota'olec Novita Na Qomyipi

²⁹ Ca' dajo ỹaatqajam ilaataxanaxac chaqai qaica lqodoc caqamiri 'neetasa': ma' ỹovire'oga ca na'xa'a diez queca shiraigo siete, ca' chaqaica viichigui nqai'ñii nqopaaqachichii quiyim nqouagaxaiñii, chaqai sqo 'ueenataxañii chaqai ná'maq ỹoqa'a ca chicqa'gue ỹalequetauguilo qamiri.

Levítico 16:29 Iomraidhean Croise

1 Reyes 8:2

Ca só'maq na'xa'a viichigui so nemaqachic lodegaxat queso shiraigo leenaxat Etanim, so'maxare ỹovire'oga quena' ime' yaua seis shiriguiri quiyi ñaaxa, ca' qalapoỹau'a so nashi Salomón quesá'ogue so llaalqaipi so Israel.

Esdras 3:1

Ca na' ime'ueque saua seis shiriguiri, ca' so llaalqaipi so Israel neetalgoto nauá'maq chi na'lauari, ca' sá'ogue quepegue' yi Jerusalén, lapoỹata'.

Éxodo 12:16

Ca' quecajo 'auaxaic na'xa'a chaqai ca pa'aatec quecaua siete na'xata', ca' lapohigui da la'qaatec na ra'gaxalari. Ca' quecauajo na'xata' se qaro'ueenataxañiguilo, qaidaata quiyim chi ỹa'maxajñi ca loq ca qom.

Éxodo 20:10

Qam quecajo liỹa na'xa'a, ca' chaqaica cá'maq co'mataxaqui, ca' chaqaica cá'maq viichigui quiyim yimaqachiñii ỹim ra'gaxalari qota'olec. Qaico' ca 'viichi' quecajo na'xa'a, chaqai ca qachaalqui' chaqai aca qachaalli'i', chaqai ca ra'aqui' loqo'm aca ra'a'e', chaqai caua qalohi', chaqai ca qom chicqauec neetauguilo qamiri queca ra'aari.

Isaías 58:3

Qam quena'le, ca 'naac: ¿Negue' quet cá'maq 'negue quiyim ñqopaaqachit? ma' ñi qota'olec se iuanalo qomi'. ¿Negue' quet cá'maq 'neeta quiyim qareuogoq? ma' ñi'maxare se retane' qomi'. Só'maq na'xa'a nqopaaqataxaguii remiilec da nemeenaxaguii chaqai quiyim chiitegueñi na 'ueenataxanaxairipi;

Isaías 58:5

¿'Ñiitapego' quiyim ca yqo'ta qopaaqataxac taỹaugui quiyim ỹahotaque ca le'xoric, chaqai quiyim nanaxañi nqai'en ñi lqahic 'ec aca na'uaate chaqai quiyim nenanñi queeta'anto caua loho ne'xoyaxaqui' hueetañigui ca lo? ¿Chaqaido' dá'maq 'ñiỹac qopaaqataxac chaqai ñi qara'gaxala' nqo'ta sojo na'xa'a?

Hechos 27:9

Ỹaatqajam qaua' soviraq, chi ỹovireta'a quiyim 'xoic lichic qoyiquetañigui ana huaaxai, ma' mashic nepalataho so no'oomaxa. Vichiguiño' so Pablo ỹa'ue da laqataxac,

1 Corintios 11:31

Qam queta' sa'deenqata quiyim qomi' ñitanqalta', ca' ñi qara'gaxala' sqai 'ne'teguelo qomi' quiyim qarouaxan.

Hebreos 4:10

Ma' cá'maq inoxona'a ca nco'mataxac ñi qota'a, ca' nco'matec quena lo'ueenatqaipi, 'nejem ñi qota'a na' nco'matec quena chi lo'ueenatqaipi.