Levítico 16:23 - La'qaatqa ñi qota'olec Qota'olec & Qota'olec Novita Na Qomyipi

²³ Ime, ca' so Aarón inoxonougui ñi 'imec na'daañi yí'maq hua'ñi quiyim qanauane'e' aỹim, ca' naqate' saua loho lo'ueenataxanaxaqui' quena' inoxona'a yi ñqa'xanqa' pootalec, ca illira'anyi.

Levítico 16:23 Iomraidhean Croise

Levítico 16:22

Ca ma' na'laañi ca quetaq loua' ỹo'maac quiyi 'laua qaica qom, ca i'xatetac ná'ogue ná'maq se no'uen ỹo'ueetetac so qomyipi quiyi 'laua qaica ca naalec.

Levítico 16:4

Chaqai no'm inoxono, qam ỹansañi caua loho sauaapigui lo'ueenataxanaxaqui' chicqoraugui na lino, chaqai caua lpa'xanqate, chaqai ỹanñi ca laxa' na lasot, chaqai ca lapooque' na lqahic. Ma' shi'gue qoỹaanoto aỹim cauajo noho, vichiguiño' quiyim ỹañiñi, qam ỹa'auaxan nachil.

Romanos 8:3

Ma' ñi qota'a ỹo'uet dá'maq se ishit ỹo'uet dá'maq naqataxaquipi chicqo'ot so Moisés. Ma' na naqataxaquipi se nalo'guit da lquesaxanaxa da lamaanaxanqachic na noshicmaxa. Ca' ñi qota'a ỹo'uet na' nela' so lalamaxaret llaalec quiyim 'nejem nqai'en ca qom, qaiyi qaishit qaỹalauat quiyim ishiueten da nasauaxaset. Ca' dajo 'neetasa': na' nela', qam 'nejem nqai'en ca qom sauaqhuaic. Ca co'na'le, ca' ỹo'uet so nouaxanaxaset só'maq nasauaxaset hueetaugui nqai'en so loshicmaxa so Jesús.

Hebreos 9:28

ca' chaqaida 'neeta nqai'en so Cristo quiyim 'oonoqui' nañaanalta', qaiyi naqat ná'ogue na nasauaxaset. Ime, ca' lotqai liỹa nachaxan, qam tot naqat na nasauaxaset, ta'ta'a quiyim nca'laxatec ná'maq nauaantaque so'maxare.