Levítico 16:21 - La'qaatqa ñi qota'olec Qota'olec & Qota'olec Novita Na Qomyipi

²¹ Ime, ca' ỹashil-lec na lqahic cajo isecỹac, ca' ỹa'xat ná'ogue ná'maq se no'uen ỹo'ueetetac, lpa'guenaxanaxa, chaqai na lasauaxaset so Israel llaalqaipi. Ca quiyim 'ne'tegue dajo, ca' illaalec na lqahic so quetaq loua' na nasauaxaseteripi. Ca 'ue cá'maq ỹale ỹaueguec quiyi 'laua qaica qom, ca' ỹosouec.

Levítico 16:21 Iomraidhean Croise

Esdras 10:1

Ca' so Esdras co'na' ñaq nqouagaxaintac, ỹaatqajam noỹenta'ueguelo naua la'qaatqa, ỹa'deesañi naua le'cootal cañi lo'ueenaxanaxaqui ñi qota'olec, ca' qoyicpegue' queso llaalqaipi so Israel, ỹalliripi, 'aallipi chaqai ñaaqaipioqui', ỹaatqajam chalego noỹenaxac lapoỹau'a so'maxare.

Salmos 32:5

Qam sá'ogue sichoxotem qami', qaica ca se sa'xat da ỹasauaxaset chaqai da ỹo'maxac; taachigui na iuel sa'xatem qami' na ỹasauaxaset, ca' qami' ỹa'gaxala' palaxachi' sá'ogue.

Salmos 51:3

Ña'deenalta' quiyim ỹim sqa seuelec qami'; na ỹasauaxasete' sqai pale' quenaua ỹa'deenataxanaxaco.

Isaías 53:6

Ca qomá'ogue so'maqac, 'ec qomi' qagretaipi, quiñi 'óna queeta'pegue' cá'maq chi la'deenataxanaxac, qam ñi qara'gaxala' illaalec so'maxare sá'ogue só'maq se no'uen hueetaguilo qomi'.

Levítico 16:20

Ca ma' so Aarón ỹomat quiyim co'taxat yi ñqa'xanqa' pootalec, chaqai ñá'ogue ñi 'imec na'daañi hua'ñi quiyim qanauane'e' aỹim, chaqai ada ncopatoxonaxalate, ca relaataxane'oga ca quetaq loua' ñaq nca'leetauec cá'maq taỹot so nqui'i Azazel.

Levítico 16:22

Ca ma' na'laañi ca quetaq loua' ỹo'maac quiyi 'laua qaica qom, ca i'xatetac ná'ogue ná'maq se no'uen ỹo'ueetetac so qomyipi quiyi 'laua qaica ca naalec.

Romanos 10:10

Ma' qaỹachigoxochichigui añi ne'taxanata quiyim qoyiuelec qaiyi qaicoñi'chiguit ca qom quiñi qota'olec, chaqai quiyim qaỹa'xat so Jesucristo qaiyi qanca'laxatec ca qom.

2 Corintios 5:21

So Cristo ỹaatqajam qaica ca lasauaxaset. Qam ñi qota'a 'ec nqai'en ca sauaqhuaic sauaxate' qomi', qaiyi ma' qomi' ña'daqatau'a so Cristo, ca sovirqau'a dá'maq no'uen chaalataxac dá'maq ỹahotaque quiyim shinqatari' quet ñi qota'a.