Levítico 16:2 - La'qaatqa ñi qota'olec Qota'olec & Qota'olec Novita Na Qomyipi

² Ca' ñi qara'gaxala' 'naaco' queso Moisés: —'Ñirapega ma'le ñi rqaỹa'e' Aarón quiyim se inoxona'a yi co'teeta ñqa'xanqa' quecanchaqaica na'xa'a yí'maq pootalec queso napoxonaxat, chaqai yi pa'aata'guit añi lapooquete añi lahi' na ilaataxanaxaquipi, qaiyi se ileu. Ma' ỹim ñoviriñi ma'le, seuetaugui so naueguelec, seuetalec añi lapooquete añi lahi' na ilaataxanaxaquipi.

Levítico 16:2 Iomraidhean Croise

1 Reyes 8:6

Ca co'na' ime, ca' so netaxaỹaxanqajanqaipi ỹaconot aso lahite' saua naqataxaco, ca' qaỹodougui na lauel aso no'ueenaxanaxaqui, ca qoỹana'ñi yi noma' 'xoic lichic qoỹano'oto naua laua' saua nadenqatqa 'vii naua laua'.

Levítico 16:13

Ca' cajo nichiinaxanaxat seuanchigui inaxañigui ca norec. Ca' naua lesalaxa' so nichiinaxanaxat pojlec nqai'en aso lapooquete aso lahite' saua ilaataxanaxaco. Ca' quedajo, ca' se ileu ma'le ñi Aarón.

Levítico 16:34

Ca' dajo ilaataxanaxac qaica lqodoc caqamiri; quiyi ñaaxa lotqai qaỹo'uet aca nachitaxanataxanqate, qaiyi sapalaxat na lasauaxaset na Israel llaalqaipi. Ca qaỹo'uet qaipacqajanchigui dá'maq 'naaco' na'le ñi qara'gaxala' queso Moisés. (17.1—18.30 Nelaataxanaxac quena' qaỹavigaxat na nachitaxanataxanaxat quiyi lanatqa' ñi qota'olec, chaqai quiyim se qaỹa'ic na leuoripi, chaqai se qaỹa'maxaren quiyim qoyiueta'piguit ca sqoỹoqa'a chaqai ca isecỹac.)

Mateo 27:51

Ca' queco'na'le, ca' so lapoxot añi no'ueenaxanaxaqui late'ogue' na'ñi yi Jerusalén shicchichiguiñigui na lavinñi, chicqoshi'mquera, ca' ỹovira'nquira, ca i'loxol na 'laua chaqai ropoxoỹa'gue na qaripi.

Hebreos 6:19

Dajo qanaquitaxac chaqaida dá'maq ra'ñichiguiñi chaqai nolliichiguiñi da qanachaalataxac, 'nejem aca nollaañi aca qom lahi' huaxaỹaqse. Dajo qanaquitaxac que'eentau'a cá'maq pa'aauo queca lapoxot aca no'ueenaxanaxaqui neeta'gue da piguim,

Hebreos 9:25

So la'gaxala' na letaxaỹaxanqajanqaipi na judioipi, so'maxare 'oonoqui' inoxona'a yi noma' qaica ishit ỹovira'a quiyi ñaaxa quiyim ỹaano qaiñitaxajlec nauá'maq se lalamaxarete' leuo'. Qam queso Cristo, ca' sqai piltalec quiyim nañaano.

Hebreos 9:3

Ca' queda lahi so liỹa napoxonaxat, ca' 'ue yi liỹa noma' leenaxat qaica ishit ỹovira'a.

Hebreos 9:5

Ca' quena pa'aashiguim caso'maxare, ca' neesalec saua nadenqatqa qomi' reloqoso'ot ñi qota'a. Ca' naua laua' saua'maxare ipeguentalgoto só'maq hua'ñi quiyim qaỹapalaxat na nasauaxaset. Qam qomi' nagui se seshitaq quiyim ỹaatqajam sa'xataq dá'maq leloxoỹaxac da'maxare.

Apocalipsis 15:8

Ca' añi no'ueenaxanaxaqui ỹaatqajam no'xogui quena nesalaxaripi chicqaugui da lecaic chaqai da lquesaxanaxa ñi qota'a. Ca' quiyi, ca' sqaica ca ishit inoxono quiyi'maxare, toco' ma' imero saua siete nqa'viico i'xatesac saua siete nelaatqa piguim lase'.