Levítico 16:17 - La'qaatqa ñi qota'olec Qota'olec & Qota'olec Novita Na Qomyipi

¹⁷ Ca' so Aarón no'm ñaqai hueetaugui ñi 'imec na'daañi ma' sapalaxat ca lasauaxaset, ca' chi ỹovireta'a quiyim nenoxonec so'maxare, ca' qaica ca hueete'e ñi 'imec na'daañi quiyim qanauane'e' aỹim. Ca ma' sapalaxat ca lasauaxaset so'maxare chaqai na llaalqaipi chaqai ná'ogue na Israel llaalqaipi,

Levítico 16:17 Iomraidhean Croise

Éxodo 34:3

Qaica ca liỹa quishiguim, qaqamite'. Chaqai qaica ca liỹa re'oq quenaua'que naua lahil añi qa'. Chaqai sqaca aca qagreta loqo'm huaca que'eetac quena 'uaqapi quena sqoỹoqaque cana qa' ladocai.

Isaías 53:6

Ca qomá'ogue so'maqac, 'ec qomi' qagretaipi, quiñi 'óna queeta'pegue' cá'maq chi la'deenataxanaxac, qam ñi qara'gaxala' illaalec so'maxare sá'ogue só'maq se no'uen hueetaguilo qomi'.

Levítico 16:16

Ca chaqaida dá'maq qohine'tegue ma' qaico'taxat yí'maq ñqa'xanqa' quená'ogue ná'maq se no'uen, npa'guenaxanaxa chaqai na lasauaxaset so Israel llaalqaipi. Ca' chaqaida 'ñitetegue qai'neeta quiñi 'imec na'daañi quiyim qanauane'e' aỹim, ñí'maq neetañigui lavinñi na qomyipi chaqai ná'maq loic se no'uen.

Levítico 16:18

ma'le, ca' nenoxonec, ca co'taxat ada ncopatoxonaxalate quiyi ñqa'xanqa'. Icona ma'le ca cocho'qui' huaca leuoripi chaqai ca quetaq, ca ỹa'meene' naua lasote chaqai naua lahil ada ncopatoxonaxalate.

Lucas 1:10

Ca co'na' ñaq ỹavigaxatetac so nichiinaxanaxat, ca sá'ogue so qomyipi nqouagaxaintac, pa'aatauec queso nasoxoc.

Hechos 4:12

Chaqai qaica ca liỹa chicqochigui ca nca'laxa. Ma' ñi qota'olec qaica ca liỹa neenaxat ỹaanema qomi' quiyim qarca'laxaqui, chaqaisoota so leenaxat so Jesús.

1 Timoteo 2:5

Ma' 'oonoqui' ñi qota'a, chaqai 'ue so 'oonoqui' qom ishit quiyim nemanachite'tot nqai'en na qomyipi ñi'maxare. So'maxare leenaxat Jesucristo.

Hebreos 1:3

Ca' chaqaiso so lqai'legaxa dá'maq lauaq ñi qota'a, chaqai so'maxare chaqaiso só'maq 'nejem da no'ueenataxac ñi qota'a, chaqai so'maxare só'maq nolliitañi ná'ogue nanchaqaina queda lquesaxanaxa da la'qaatec. Ca co'na' ime co'taxate' qomi' quena qarasauaxaset, ca' nqa'xanñi quiyim nashi queda loic yi nqa'xanqa' ñi qota'a queda piguim.

Hebreos 9:7

Qam yí'maq liỹa pa'aauo noma' qaisoota so lashi na netaxaỹaxanqajanqaipi ishit inoxona'a, qam 'oonoqui' inoxono quiyi ñaaxa; chaqai quiyim inoxono, ca i'xatetauo na isecỹac leuoripi quiyim ỹaano, qaiyi qaỹapalaxat ná'maq chi lo'maxaseteripi chaqai ná'maq lo'maxaset na liỹa qomyipi.

1 Pedro 2:24

Chaqaiso so Cristo i'xat sá'ogue so qarasauaxaset hueetaugui nqai'en so loshicmaxa, i'xatashiguim na' qaipateno queso npatenaxala', qaiyi le'en saxanaxañi da nasauaxaset, ca qolaxalec da 'maxaraic chaalataxac. So'maxare coñirqata, qaiyi remiiuec qamiri.

1 Pedro 3:18

Ma' so Cristo queda le'xoric, ca' ileualgoto naua qarasauaxasete'; 'oonoqui', ca' chaqa'ma' imaauec nqai'en. So'maxare ỹaatqajam huagaxaraic, qam ileualgoto na'le qomi' quiyim qomi' hualoxona', qaiyi ỹauega'alo qomi' ñi qota'a. Ỹaatqajam qaỹalauat quesó'maq loshicmaxa, qam liỹa nca'leuec nqohin quesó'maq se re'xogui.