Levítico 16:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Qam ca quetaq cá'maq tajlec quiyim qoỹaanot ca Azazel, ca'maxare nca'leetauec, ca' qaỹachaxanot aỹim, qaiyi sapalaxat na lasauaxaset. Ime, ca' qaỹo'da'oga yi 'laua qaica qom yí'maq neeta'ñi ca Azazel.

Levítico 16:10 Iomraidhean Croise

Levítico 16:8

Ime, ca' qanallichiguilo saua queta', qaiyi qaỹa'den cá'maq qoỹaanot aỹim qota'olec, chaqai cá'maq taỹot so nqui'i Azazel.

Levítico 16:9

Ca' cajo quetaq loua' cá'maq tajlec quiyim qoỹaanot aỹim, ca ca'maxare ỹaano so Aarón qaiyi sapalaxat na lasauaxaset.

Romanos 3:25

Ñi qota'olec ỹo'uet chicqochigui nqai'en so Cristo queso lelauaxa, quiyim ishit qaỹapalaxat na nasauaxaseteripi, qam quiyim qoyiuelec so'maxare. Dajo 'ne'tegue, qaiyi re'oq quiyim ñi qota'a ipacqajanchigui dá'maq 'neeta'pegue, ma' mashic quedá'maq leualaxavic liyi le'ne' nqai'ne' sauá'maq 'auaxaqa nasauaxasete'.

Romanos 4:25

só'maq qoỹaañiguit da lelauaxa sauaxat na qarasauaxaseteripi, chaqai liỹa qanca'laxatec, qaiyi icoñi'chiguita qomi' ñi qota'olec.

2 Corintios 5:21

So Cristo ỹaatqajam qaica ca lasauaxaset. Qam ñi qota'a 'ec nqai'en ca sauaqhuaic sauaxate' qomi', qaiyi ma' qomi' ña'daqatau'a so Cristo, ca sovirqau'a dá'maq no'uen chaalataxac dá'maq ỹahotaque quiyim shinqatari' quet ñi qota'a.

1 Juan 2:2

So Jesucristo chaqaiso só'maq chicqochigui quiyim qaỹapalaxate' naua qarasauaxasete', chaqai mesqoqometa, ma' qai'neeta quená'ogue na qomyipi hueetalec na 'laua.

1 Juan 3:16

Sa'deenaq dá'maq 'neeta da ne'xorenataxanaxa quiyim so Jesucristo ỹaanec da nachaalataxac na' ileualgoto qomi'. Ca' qomi' quet qai'neeta saanaxauec quet da qanachaalataxac queca qarqaỹa.