Jueces 9:5 - La'qaatqa ñi qota'olec Qota'olec & Qota'olec Novita Na Qomyipi

⁵ ca qoyicpegue' yi Ofra, yí'maq na'ño' na'le so leta'a so Jerobaal. Ca' huaalec nqohin so 'oonoqui' qa' quiyim qaỹalauat so setenta lqaỹaripi so Abimelec. Qam 'oonoqui'o' so nqañoxojñi, ca' nca'leuec, so'maxare leenaxat Jotam só'maq na'aasa llaalec so Jerobaal.

Jueces 9:5 Iomraidhean Croise

1 Reyes 1:12

Ca' nagui saqata qami', qaiyi rca'lli'rec chaqai ñi qachaalqui' Salomón.

1 Reyes 1:21

Ca noma' ỹovita ca lqodoc aca rqauaxagui'i', qami' qarashi, ca' ñi ỹaalec Salomón chaqai ỹim qaỹalauate' qomi' ma'le.

Mateo 2:16

Co'na' so Herodes retan quiyim saua 'deenaxanqachaqaqa ỹayine' so'maxare, ca' ỹaatqajam ro'o. Ca relaataxanlec quiyim qaỹalauat ná'ogue na ñaaqaipioqui' na'ñi yi Belén chaqai quenaua'que naua lahil, chicqochi'ñi quiyaua dos ñaxari. Ca taỹa'nquira ipaquichigui nqai'en dá'maq la'qaataxanaxague' saua 'deenaxanqachaqaqa.

Mateo 2:20

—Ne'laxachirishiguim, ca' coñitot yi noctoqui' chaqai añi late'e. Ca pillita yi na'laua so llaalqaipi so Israel, ma' mashic ileue' yauá'maq ỹahosaque quen quiyim ỹalauate' na noctoqui'.

Jueces 6:11

Co'na'le, ca' novi'o' so lelaatec ñi qara'gaxala' piguim le'ec, ca' nqa'xanñi ne'tot aso qo'paq leenaxat encina, na'ñi yi Ofra. Yi'maxare lalamaxaret so Joás, so'maxare chicqaugui na lauo' so Abiezer. Ca' so Gedeón, llaalec so Joás, co'taxatetac na trigo, nañoxotetañi, hueete'e añi lo'o ana 'uva quena' qanelam na li'i, ca' qaỹo'uet na lataxa, ma' ỹahotaque se qaiuana quena Madián llaalqaipi.

Jueces 6:24

Ca' so Gedeón no'xonshiguim aso ncopatoxonaxalate, ỹanalec yi'maxare quiyim imaqachin ñi qara'gaxala'. Ca' ỹamata'gue yi'maxare “Ñi qara'gaxala', ñi'maxare neuagaxa.” Ca' dajo ncopatoxonaxalate ñaqa 'ue nagui quiyi Ofra, yí'maq la'a' na lauo' laseripi so Abiezer.

Jueces 9:18

Ca' nagui ỹaatqajam npa'guiñi'e' na llaalqaipi so ita'a chaqai nalauachiñi so setenta llaalqaipi huaalec nqai'ñii ada 'oono'lli' qa'. Qam 'ec saqa' nalogoñi nqai'ñii, ca' ỹañiuo quiyim rashii ñi Abimelec ñí'maq llaalec aso chi loua liỹa so Jerobaal, ma' chi qauori le'ec ñi'maxare.

Jueces 9:2

—Ma' chaqai qamiri iuo' laseripi, ca' nagui ñi'xoresentouguilo qamiri quiyim qamiri 'ñiỹapega ná'maq na'ñi na Siquem quiyim paguec quet la'maxa quiyim 'oonoqui' quet ca ỹale lashi quet na qomyipi, qam mesqai ná'ogue na setenta llaalqaipi so Jerobaal.

Jueces 9:6

Ca co'na' ime, ca sá'ogue so na'ñi yi Siquem chaqai so na'ñi yi Bet-milo lapoi'ot aso qo'paq leenaxat encina, huaqate'e' so qa' quiyí'maq qouagaxainqa' quiyi Siquem. Ca' qoỹano quiyim nashi so Abimelec.