Jueces 9:20 - La'qaatqa ñi qota'olec Qota'olec & Qota'olec Novita Na Qomyipi

²⁰ Qam no'm sqai 'neeta dajo, ca ¡dá'maq Abimelec chicqochigui ma'le ca norec, ca ỹavigaxat ma'le ná'ogue na neeta'ñi yi Siquem chaqai yi Bet-milo, chaqai quiyaua'maxare qai'neeta chicqotouguilo ca norec, ca ỹavigaxat da Abimelec!

Jueces 9:20 Iomraidhean Croise

Jueces 7:22

Ca' so trescientos Israel llaalqaipi queetalec quiyim pe'teetapigui ana lpe'te qagreta loua' lasote. Ca' ñi qara'gaxala' ỹo'uet quiyim chi nalauajta' so Madián llaalqaipi chaqai quiyim 'eet, taigue da Bet-sita queso nayic queda Zerera. Ca' chi ỹovireta'a yi lqodoc yi Abel-mehola, huaqate'e' yi Tabat. (7.23—8.35 Qaico'uajlec so Madián llaalqaipi, ca qanaqachiñi saua lashil.)

Jueces 9:15

Qam aso ta'sot 'naaco' no'm ỹaatqajam llic qaỹahotaque quiyim nashi, ca' 'maxaraic quiyim qai'guenot na la'al; qam no'm sqai quelec neuel quiyim nashi aso'maxare, ca ishit chicqaugui ma'le ca norec, ca ná'ogue ỹavigaxat ana qo'paq leenaxat cedro na'ñi yi Líbano.

Jueces 9:19

Qam ỹim nagui shinapegalo qamiri: Qam ỹaatqajam llicyaxaco' chaqai ỹa'maqachiguiño' dá'maq 'ñii'tegue queso Jerobaal chaqai quena llaalqaipi, ca 'maxaraic ca qayicyaxaguii queda Abimelec chaqai da'maxare caqamiri.

Jueces 9:21

Ca co'na' ime dajo, ca' so Jotam 'eet, quepegue' yi Beer, ca na'ñi. Ma' ỹaatqajam no'cha'a so lqaỹa Abimelec. (9.22—12.15 So qomyipi la'gaxala' so Abimelec, chi ỹovireta'a na' qaỹalauat. Ca' 'ue so liỹa nashillipi qaỹa'guelec queso qomyipi quesaua setenta y cinco ñaxari.)

Jueces 9:6

Ca co'na' ime, ca sá'ogue so na'ñi yi Siquem chaqai so na'ñi yi Bet-milo lapoi'ot aso qo'paq leenaxat encina, huaqate'e' so qa' quiyí'maq qouagaxainqa' quiyi Siquem. Ca' qoỹano quiyim nashi so Abimelec.