Jueces 7:9 - La'qaatqa ñi qota'olec Qota'olec & Qota'olec Novita Na Qomyipi

⁹ Ca' queso pe, ca' ñi qara'gaxala' ỹilen so Gedeón quiyim ne'laxashiguim, ca eec, nalauate'e' so Madián llaalqaipi: —Ma' ỹim so'uet quiyim qadoxonqui' ma'le.

Jueces 7:9 Iomraidhean Croise

Job 4:13

Ca na' pe na' ỹovitot da lelaxac na qom, ca' 'ue so i'guemataxac se i'taxategue ca ilaxac.

Mateo 1:20

Ca co'na' ra'deenataxantac quecá'maq 'neeta'gue dajo, ca' re'guemacho' so lelaatec ñi qara'gaxala' piguim le'ec. Ca' qohinapego': —José, ma' qami' chicqoiraugui so nashi David, se ro'chi'i' quiyim coñita añi María quiyim roua'e'. Ma' yí'maq ne'qaañi ma'le llaalec añi'maxare chicqo'ot so Espíritu Santo.

Mateo 2:13

Ca co'na' mashic ỹoteguelo saua 'deenaxanqachaqaqa, ca' so 'óna lelaatec ñi qara'gaxala' piguim le'ec nachaxana so José co'na' laqata. Ca 'naapego': —Ne'laxachirishiguim, coñitot na noctoqui' chaqai añi late'e. Ca' 'iichi', 'itegue da Egipto. Ca ñiisa'ño'yi, toco' ma' 'ue ca liỹa shinac. Ma' ñi Herodes idaanaque ma'le ñi noctoqui' quiyim ỹalauat.

Hechos 27:23

Ma' squepe nachaxana ỹim so chicqashiguim qanela' quiñí'maq sento'ot qota'olec, chaqai so'ueetetac da lelaataxanaxac.

Josué 10:8

Ca' ñi qara'gaxala' 'naaco' queso'maxare: —Totaxan ro'chita na'maxare, ma' ỹim saanec quiyim ná'ogue qadoxonqui', ca' qaica ca ishit nachaata'guit qami'.

Josué 2:24

Ca 'neraco': —Ñi qara'gaxala' qota'olec ỹaanema qomi' quiyim qodoxonec yá'ogue yi 'laua, ma' yá'ogue yí'maq neetalec yijo 'laua ileuapeguem da lqolonaxa.

Jueces 7:10

Qam no'm 'ue ca rqolonaxa'e' quiyim nalauachire'e', ca' 'au quirepegue' yi neeta'ñi, riỹa'isac ñi Fura ñí'maq qachaaqainachiqui'.

Jueces 7:8

Ca' so Gedeón ilaro sá'ogue so liỹaripi quiyim pila'alo naua la'aate' na'derañi. Qam na' saqa' pil so qomyipi, ca' lapoon, icona so nehomallipi chaqai aso lpe'tellipi. Ca' no'ueenañi liỹaatac so trescientos ỹalliripi nca'acseripi, ca naalec so quemarelec pa'aashiguim. Ca' so na'ñi so Madián llaalqaipi pa'a'nquira, ñiichi'ñigui so ca'megue.