Jueces 7:8 - La'qaatqa ñi qota'olec Qota'olec & Qota'olec Novita Na Qomyipi

⁸ Ca' so Gedeón ilaro sá'ogue so liỹaripi quiyim pila'alo naua la'aate' na'derañi. Qam na' saqa' pil so qomyipi, ca' lapoon, icona so nehomallipi chaqai aso lpe'tellipi. Ca' no'ueenañi liỹaatac so trescientos ỹalliripi nca'acseripi, ca naalec so quemarelec pa'aashiguim. Ca' so na'ñi so Madián llaalqaipi pa'a'nquira, ñiichi'ñigui so ca'megue.

Jueces 7:8 Iomraidhean Croise

1 Corintios 15:52

Qalaxam ỹaatqajam ne'laqataxanchiguiñi ma'le dajo, 'nejem ca quiyim nqatagoxoñi ca qom, ma' qaỹa'xaỹaque aso co'uaataxanta npe'taxanaxac. Ma' qaipe'taxanlecna, ca na leuaxaiquipi liỹa nca'leuec nqohin, ca' quiyi, ca tot ishit ileu. Qam qomi' chi qaỹadalaxate' qomi'.

Josué 6:20

Ca' so qomyipi co'na' ỹaualaq chaqai so netaxaỹaxanqajanqaipi pi'chigui so lpe'tellipi. Ca co'na' 'qaa so Israel llaalqaipi queso lelamaxa so npe'tellipi, ca' ỹaatqajam netenegue da laualaxac, ca' so lapoxonaxat yi na'a' 'guiñi. Ca' qaỹalamaxatau'a yi'maxare, ca' noxonec.

Josué 6:4

Siete caua netaxaỹaxanqajanqa 'auesauec caso lahi' naua ỹaqataxaco, quiñi 'óna no'qoota'a aca lpe'te qagreta loua' lasote. Ca' ma' ỹovire'oga ca liỹa na'xa'a, ca' siete qallichiñi yi na'a' quiyim na netaxaỹaxaquiripi ñaq pe'teetapigui na lpe'tellipi.

Jueces 6:33

Co'na'le, ca' sá'ogue so Madián llaalqaipi chaqai so Amalec llaalqaipi chaqai so qomyipi chicqa'gue da lqodoigue, lapoỹata' quiyim ỹapacta aso lachiugue Jordán. Ca' renojñi queso ca'megue quiyi Jezreel.

Jueces 7:7

Co'na'le, ca' ñi qara'gaxala' 'naaco' queso Gedeón: —Quenauajo trescientos ỹalliripi, ca ñca'laxaterec ma'le qamiri, ca ỹim ñalauajñi ma'le na Madián llaalqaipi. Ca' ná'ogue na liỹaripi pilo nqai'ñi'.

Jueces 7:9

Ca' queso pe, ca' ñi qara'gaxala' ỹilen so Gedeón quiyim ne'laxashiguim, ca eec, nalauate'e' so Madián llaalqaipi: —Ma' ỹim so'uet quiyim qadoxonqui' ma'le.