Jueces 7:22 - La'qaatqa ñi qota'olec Qota'olec & Qota'olec Novita Na Qomyipi

²² Ca' so trescientos Israel llaalqaipi queetalec quiyim pe'teetapigui ana lpe'te qagreta loua' lasote. Ca' ñi qara'gaxala' ỹo'uet quiyim chi nalauajta' so Madián llaalqaipi chaqai quiyim 'eet, taigue da Bet-sita queso nayic queda Zerera. Ca' chi ỹovireta'a yi lqodoc yi Abel-mehola, huaqate'e' yi Tabat. (7.23—8.35 Qaico'uajlec so Madián llaalqaipi, ca qanaqachiñi saua lashil.)

Jueces 7:22 Iomraidhean Croise

1 Reyes 19:16

chaqai ñi Jehú ñí'maq laual ñi Nimsi, qaiyi nashi quiyi Israel; chaqai cochirelec ñi Eliseo, ñí'maq llaalec ñi Safat ñí'maq na'ñi yi na'a' Abel-mehola, qaiyi itaxaỹaxaqui ma'le taalec da ro'ueenataxanaxaqui'.

Isaías 9:3

Qami' qara'gaxala', noviraxachi' da naỹaac; chalego lecaic da toonaxac. Ná'ogue netoonta'gue qami' 'ec yí'maq quena' ỹovirelec qanaqat ca nanecsec ala, netoontagui 'ec dá'maq quena' qaimeenec da nesallaxa.

Isaías 9:4

Ma' qami' qota'olec so'irigui da ncoñiitaxac na qomyipi qaicoñiretari', queda ncoñiitaxac ỹahotaque da le'xoric, quiyim qoỹoiquentac quecá'maq qohinta'gue. 'Ec na' nalauachiriñi so na'ñi yi Madián.

Hageo 2:22

ñaqaguijñi ma'le da lquesaxanaxa ná'maq nashillipi ỹoiquentac na 'laua, ñinaxañi quena 'laua na nqa'xanaxaquiripi, samaxañi na lahoglenaipi nalauataxaqui chaqai ná'maq neetañigui, chaqai ileu liỹaata'ñi' ná'maq neetalec shipiguiripi, quiñi 'óna ileu qaica'laxatauec queca lecat quecá'maq chi lqaỹa.

Zacarías 14:13

Quecajo na'xa'a, ca ñi qara'gaxala' 'xoic nqai'en ca lqolonaxa. Ca' chaqai taỹata' nco'ỹata' ma'le.

2 Corintios 4:7

Qam dá'maq paguec lesega'a hueetagui na qaroshicmaxa, ná'maq 'ec aca chaqai 'ueena 'laua, qaiyi re'oq dá'maq chalego lecaic nquesaxanaxa chicqo'ot ñi qota'a, mesqai chaqai chicqauguilo qomi'.

Josué 6:16

Ca co'na' so netaxaỹaxanqajanqaipi siete pe'taxan. Ca' so Josué 'naaco' queso qomyipi: —¡Raualaxahi! Ñi qara'gaxala' ỹo'uet quiyim qadoxoñiguii najo na'a'.

Josué 6:20

Ca' so qomyipi co'na' ỹaualaq chaqai so netaxaỹaxanqajanqaipi pi'chigui so lpe'tellipi. Ca co'na' 'qaa so Israel llaalqaipi queso lelamaxa so npe'tellipi, ca' ỹaatqajam netenegue da laualaxac, ca' so lapoxonaxat yi na'a' 'guiñi. Ca' qaỹalamaxatau'a yi'maxare, ca' noxonec.

Josué 6:4

Siete caua netaxaỹaxanqajanqa 'auesauec caso lahi' naua ỹaqataxaco, quiñi 'óna no'qoota'a aca lpe'te qagreta loua' lasote. Ca' ma' ỹovire'oga ca liỹa na'xa'a, ca' siete qallichiñi yi na'a' quiyim na netaxaỹaxaquiripi ñaq pe'teetapigui na lpe'tellipi.