Jueces 7:19 - La'qaatqa ñi qota'olec Qota'olec & Qota'olec Novita Na Qomyipi

¹⁹ Ca' so Gedeón chaqai so cien nalliripi na' ỹovijtegue da lahi yi co'matqa', co'na' sham qaỹadalaxat so neloxoỹaripi queso pe lauel. Ca co'na'le, ca qaipi'chigui so npe'tellipi qagreta loua' lasote, chaqai ỹopoxoỹaxachigui aso nehoma 'laua lo'qoota'a.

Jueces 7:19 Iomraidhean Croise

Salmos 2:9

Ca' viise'e ca rashillichi' lecat, ca nopoxoỹaxachiriñi na nashillipi; ¡ca poxoỹaxachirigui 'ec nqai'ñi' aca 'ueena 'laua!

Salmos 90:4

Ca' llic quiyim caqami' caua mil ñaxari 'ec nqai'ñi' so scavit mashic ỹoxogue. ¡Ỹaatqajam 'ec nqai'ñi' ca 'oonoqui' pe!

Éxodo 14:24

Qam na' na'xa'atac, ca' ñi qara'gaxala' ỹa'ajan so nouaataxanaq nalliripi yi Egipto quesó'maq hueetaugui ỹaviquetaugui naueguelec. Ca' chicqochigui quiyim tot na'maxajta' so'maxare.

Mateo 25:6

Ca co'na' 'uo' ca pe lauel, ca qara'xaỹaco' so naualaxac: “¡Mashic novi' ná'maq ỹale shilo; quiỹa'guit!”

1 Tesalonicenses 5:2

Ma' qamiri mashic 'yiiñita ca na'xa'a ma' novi' rapil so qara'gaxala'. Novi' so'maxare, ma' sqaica ca qaỹahotaque, 'nejem ca cuataxai quiyi pe.

Apocalipsis 16:15

“Ajñii, ỹim ñovi' ma' sqaica ca qaỹahotaque, shintari' ca cuataxai. Chalego loyac ma'le quecá'maq nelootauec chaqai cá'maq netela'alo caua loho, qaiyi mesqai neetauec, ma' no'me' na qomyipi iuana ma'le ná'ogue na loshicmaxa.”

Jueces 7:16

Ca chaqa'ma' iuagaxachigui so trescientos nalliripi, tres lapooqote' nqai'en. Ca' ỹaanem ana lpe'te qagreta loua' lasote chaqai ana nehoma 'laua hueetagui na lcoỹeraxanaxat ỹaviquetaugui.

Jueces 7:18

Ma' ỹim chaqai ná'maq iỹaripi spe'taxagui ana qarpe'te, ca' pe'taxañii qamiri qai'neeta quenaua lahil na co'matqa'. Ca' qamiá'ogue raualqaiỹagui, qamiá'ogue 'ñiỹac: ¡Qariỹaatac ñi qara'gaxala' qota'olec chaqai ñi Gedeón!

Jueces 7:20

Ca' saua tres lapooqote' sá'ogue neuagaxat chaqai pe'taxan chaqai ỹopoxoỹaxachigui aso lo'qoota'a nehoma 'laua. Chaqai lo'qoota'a queda nemaq ca lcoỹeraxanaxat, ca' ana lpe'te lo'qoota'a queda loic. Ca' ỹaualqatagui, 'neeta'gue: —¡Da lauataxac chicqochigui ñi qara'gaxala' qota'olec chaqai ñi Gedeón!