Jueces 6:36 - La'qaatqa ñi qota'olec Qota'olec & Qota'olec Novita Na Qomyipi

³⁶ Ca' so Gedeón 'naaco' quiñi qota'olec: —No'm llic yoviñi' quiyim ñca'laxatec na Israel llaalqaipi, quedá'maq chaqai 'ñirac,

Jueces 6:36 Iomraidhean Croise

Génesis 15:8

Ca 'naaco' so Abram: —Qami' ỹa'gaxala' qota'olec, ¿nega'ỹo' cá'maq 'neeta quiyim ỹaatqajam sa'den quiyim nañaañirim najo 'laua?

2 Reyes 20:9

Ca' so Isaías 'naaco' queso'maxare: —Dajo dá'maq retanqui' quiyim ñi qara'gaxala' imigui nqai'en da la'qaatec: ¿Peeta'a vi'saque quiyim nqo'in diez na la'al añi netana cañi ra'aasa, loqo'm pil na la'al?

Isaías 7:11

—Shiila'e' ñi qara'gaxala' qota'olec quiyim ỹo'uet ca se qaiuanapega, qaiyi ca' chi retanqui', no'm pa'aañi quena lauajñi na 'laua, loqo'm pa'aashiguim quena piguim.

Isaías 7:14

Hua', cha'regue chaqaiñi ñí'maq qara'gaxala' ỹo'uet ma'le ca retanqui': Añi nequetegaxai mashic 'man, chaqai 'ue ma'le ca llaalec, ca ỹanegue ma'le quiyim leenaxat Emanuel. (Ca' dajo 'naac: Ñi qota'olec ỹalequetauguilo qomi'.)

Mateo 16:1

So fariseoipi chaqai so saduceoipi eec ra'ajnaxana so Jesús chaqai quiyim sha'apiguito' 'ue ca chicqochigui nqai'en ca lasauaxaset. Ca' qaỹashiila so'maxare quiyim ỹo'uet ca netanec se qaiuanapega chicqo'ot nqai'en na piguim.

Jueces 6:14

Ca' so qara'gaxala' ra'ỹo'ot, ca 'naaco' queso'maxare: —Ỹaatqajam 'goxoñita da rquesaxanaxa'e', ca' qui', nca'laxachirec na Israel llaalqaipi queda lqa'viic na Madián llaalqaipi. Ỹim ná'maq sela' qami'.

Jueces 6:16

Ca' ñi qara'gaxala' 'naaco' queso'maxare: —Qami' shichi' 'viichi' dajo, ma' qami' iỹaatac ma'le. Ca' qadoxonqui' ma'le na Madián llaalqaipi 'ec ca 'oonoqui' qom nqai'ñi'.

Jueces 6:37

ca' ỹim sella'ñi na hua'ñi quena' qano'ueenaxategue ana la na trigo ca qagreta loshicmaxa. Ca ma' nete'e ma' nete'eta, ca' ỹaatqajam pi'guiloxolta nqai'ñi' cana 'ỹa', qam ná'ogue na 'laua rashivita, qaiyi sa'den quiyim ỹaatqajam yoviñi' quiyim ñca'laxatec na Israel llaalqaipi, ma' chaqai 'ñirac.