Jueces 6:18 - La'qaatqa ñi qota'olec Qota'olec & Qota'olec Novita Na Qomyipi

¹⁸ Qouaquiric, totaxan qui'o' quenajo, toco' ma' ñovirec, sedaanaque aca ỹachitaxanataxanqate sahotaque saañiraxarom. Ca' so qara'gaxala' 'naaco': —Hua', ỹim se sedaỹari' quenajo, ñauaanta'guit qami' ma' novichirec.

Jueces 6:18 Iomraidhean Croise

Génesis 18:3

Ca 'naaco': —Qami' ỹa'gaxala', sashiila'e' quiyim sqaua' qui'.

Génesis 18:5

Ma' mashic naguii'tegue na la'a' ná'maq ro'ueenataxantacoto qamiri. Ca ñodouec ma'le ca qanoxohi, qaiyi nqo'neuec ma'le ca rquesaxanaxahi quecá'maq 'iita'gue. —Hua', ỹa'maqachiguiñi —'neraco' saua'maxare.

Génesis 19:3

Qam so Lot ỹaatqajam 'xoic da lepagaxallic, vire'ta na' qarasaachiguit. Ca' qoyicpegue' ca la'a'. Ca co'na' ỹovirero, ca' so Lot ỹo'uet ca na'ic chaqai ca pan qaca aca lalequete. Ca' saua huoxoiqa qui'ỹe'.

Jueces 13:15

Qam so Manoa se ỹa'den quiyim só'maq retaqata'pegue' nelaatec piguim le'ec. Ca' 'naaco': —Qouaquiroxoric, ñaqai vire'e najo, qaiyi sa'guinaq ma'le ca quetaq llaalec sa'maxatqatañi. Qam so nelaatec piguim le'ec 'naaco': —'Enquet yo'ueenañi, qam qaiyiita se ñouana'to qamiri queca qanoxohi. Qam qamiri shichii 'ỹaañiỹot ñi qara'gaxala', ca qaỹavigaxat cajo quetaq llaalec.

Jueces 6:17

Co'na'le, ca 'naaco' so Gedeón: —Ca no'm chaqaida da re'xorenataxanaxa'e' caỹim, ca 'maxaraic quiyim vite ca itanec quiyim ỹaatqajam qami' qara'gaxala' ná'maq taqaisa'pegue' aỹim.

Jueces 6:19

Ca' so Gedeón eec, ca' ỹa'maxajñi so quetaq llaalec chaqai ỹaqaulachit so 'aríña, ca ỹo'uet so panyipi qaca lalequete cana pe'taxachigui. Ime, ca' so la'at illaañigui aso canasto, chaqai so li'i illaañigui aso 'ueena. Ca' sá'ogue ỹodouec quiyi na'ñi aso qo'paq leenaxat encina.